Peña Montañesa

De Biquipedia

Peña Montañesa
Altaria	2291 m
Latitut	{{{latitut}}}
Lonchitut	{{{lonchitut}}}
Situazión	Sierra Ferrera, Perineo de Uesca, Aragón
Cordelera	Perineus
Primera puyada
Rota de puyada más fázil	Dende Zeresa, lugar d'o monezipio d'A Espuña

A Peña Montañesa (2291 m) ye a tuca más altera d'a Sierra Ferrera, sierra que s'estiende per un cabo dende a balle d'a Zinca ta la balle de l'Esera y per l'altro, de camins d'entre o Sobrarbe e la Ribagorza.

Anque en o Sobrarbe á menuto se'n dize Peña Montañesa de tota la sierra, ésta no ye si que la primera punta d'a Sierra que se beye d'allá, conzidendo con l'altura más alta d'a sierra. Per o canto sur-sur-oeste d'iste cabo se beye tamién o que se diz A Canal Mayor, una canal bien marcada en o monde de baixo d'as leneras calsinosas d'a Peña. A espetacularidat d'os zinglos d'o cabo d'a sierra que se mete més ena balle d'a Zinca l'ha feto cuasi combertir-se en un icono paisachistico d'o país, e unas d'as bisions d'o Sobrarbe més reconoixitas en l'esterior.

As leneras que fa per o canto meridional deixan una linia de berticalidat d'arredol de 600 m de d'espernada, a man septentrional, de contras, tiene gleras e cantals per á on se bi puet puyar t'alto.

Altras puntas d'a Sierra Ferrera son, de ponient ta liebant: Peña Foratata (2267 m), Tuca d'a Ferrera (2076 m), A punta de Pimpinos (2003 m), Peña Madrid (1982 m), A Forquiella (2172 m), a Punta d'A Estiba (2165 m), Medio Luenga (1845 m) e A Cuesta (1796 m). A Punta Ferrera (1854 m) ye a zaguera punta d'a Sierra Ferrera, ya en o cabo ribagorzano d'ésta e se-bi puet puyar d'A Foradada u de Bíu.