Partenochenesi

De Biquipedia
Ir ta: navego, busca

La partenochenesi ye un proceso reproductor que consiste en que un ovulo no fecundau orichina un individuo adulto completo. La partenochenesi ye una sustitución de la reproducción sexual por fecundación común en insectos y poco común en vertebratos.

En lo caso de los insectos socials la partenochenesi fa part d'un ciclo biolochico regular que orichina determinadas "castas" u formas especializadas, (Los abellotz u masclos de las abellas son haploides y s'orichinan a partir d'ovulos).

Por un regular las especies con partenochenesi presentan reproducción sexual con fecundación, u por lo menos comportamiento sexual pa activar los ovulos.

Una sargantana de zonas aridas de Norteamerica (Cnemidophorus uniparens) no tién masclos como mesura de supervivencia en medios especialment extremos, pero las fembras copulan n'i habendo unas que fan de masclos y atras que fan de fembras y que farán desembolicar-se los suyos ovulos dimpués d'una copula que imita lo comportamiento anterior a la fecundación. Dependendo de lo ciclo ovarico las fembras tendrán libels d'estrochens altos u baixos. Quan lo libel d'estrochén ye alto esta sargantana fa de fembra y quan lo libel ye baixo fa de masclo.

Bi ha especies en las quals lo masclo ye desconoixito de tot como en Saga pedo, una pantingana de gran mida con fembra tetraploide.

Bibliografía[editar | editar código]