Partenón (Nashville)
- Iste articlo ye sobre una edificación d'os Estatos Unitos ta atros usos, se veiga Partenón (desambigación).
 |
Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario. |
O Partenón de Nashville, Tennessee, ye una réplica a escala real d'o Partenón d'Atenas. Se construyó en 1897 como parte d'a Exposición d'o Centenario de Tennessee, en a quala se celebraba o centenario d'a unión d'iste estau a los Estatos Unitos.
[editar] Construcción t'a Exposición d'o Centenario de Tennessee
Se construyó ta estar a pieza central d'a feria de 1897 de conchunta con atros edificios, tamién basaus en orichinals antigos tals como as piramides d'Echipto. Ista primera versión d'o edificio yera construida de escayola, madera y rechola ya que, en un prencipio, o edificio iba a estar desmontau una vez rematada a exposición, tal como se fació con os de demás edificios d'o Parque d'o Centenario. Manimenos, a construcción fació goyo tanto por o suyo realismo que a ciudat de Nashville decidió conservar-lo. Manimenos ixo, o edificio heba estau construiu con a intención de destruyir-lo dimpués d'a exposición, por o qual a construcción no yera pro robusta. Asinas, en 1920 o monumento estió destruyito, y en o puesto que antes ocupase se construyó una segunda versión muito mas estable y fidel a o Partenón orichinal. En ista segunda versión participoron numerosos especialistas que estudioron minuciosament o Partenón d'a Acrópolis d'Atenas, realizando reproduccions d'as estatuas que son moldes d'as esculturas orichinals que adornoron o Partenón ateniense, as qualas son d'o 438 a. C. Amás, o monumento poseye una decoración policromada igual a la que en teoría poseyeba l'orichinal.
[editar] Estactua d'Atena Partenos
A reconstrucción d'a estactua d'Atena Partenos, creyada en 1990 por Alan LeQuire, ye o centro d'o Partenón. Ha estau reconstruida seguntes se creye que habió d'estar a orichinal, perdida fa muito tiempo. Ista estactua tiene una altura d'uns 13 metros y ye recubierta d'oro. A escultura amuestra a la diosa Atena Partenos vestida con armadura y casco, con un escudo en o suyo brazo cucho, una chicota estactua d'a victoria en a suya man dreita y una colosal serpient que s'alza entre a diosa y a suya escudo. A escultura, que un prencipio no yera dorada, estió recubierta d'oro en 2002. Amás ye considerada a escultura d'interior mas gran d'o mundo occidental. Al momento de definir as suyas medidas finals, se tomó a decisión que os visitants en dentrar quedasen a l'altura d'os pietz d'a escultura, la qual cosa fa sentir muit chicotz debant d'a diosa.
