Parque Nacional de Berchtesgaden

De Biquipedia
Ir ta: navego, busca
Parque Nacional de Berchtesgaden
Watzmann-Ostwand.jpg
Königssee y cara este d'o Watzmann
Datos chenerals
Tipo Parque Nacional
Establito 1 d'agosto de 1978
Superficie 210 km²
Situación
Situación Flag of Bavaria (lozengy).svg Bavera
Latitut
Lonchitut
Mapa
Karte Nationalpark Berchtesgaden.png
Situación en Alemanya

O Parque Nacional d'os Pireneus (en alemán Nationalpark Berchtesgaden, en austro-baverán Nationalpaak Berchtsgoan) ye un parque nacional situau en o sud d'Alemanya, amán d'a muga con Austria, en os municipios de Ramsau bei Berchtesgaden y Schönau am Königsee, en o districto de Berchtesgadener Land, en o estau de Bavera. O parque nacional s'establió en l'anyo 1978 ta protecher os paisaches d'os Alpes de Berchtesgaden. A seu se troba en a localidat de Berchtesgaden,[1] estando o parque designau como reserva d'a biosfera por a UNESCO[2] dende 1990.[3]

Situación y cheografía[editar | editar código]

O parque se troba situau en l'aria montanyosa a o sud d'a localidat de Berchtesgaden. As mugas este, sud y ueste d'o parque coinciden con as mugas entre Alemanya y Austria. A zona d'o parque no tien garra desenvolique economico ya que no bi ha poblacions. En o centro d'o parque bi ha un gran laco, o Königssee, que s'estendilla de sud ta este y que ye a fuent d'o Königsseer Ache, un afluyent por a dreita d'o río Salzach. Un atro laco mas chicot, l'Obersee, se troba situau por dencima d'o Königssee, pasando as suyas auguas por filtración enta iste zaguero. Toda l'aria d'o parque fa parti d'a compleganza d'o Salzach, y, por tanto, d'o Danubio. A l'uest d'o laco ye o macizo d'o Watzmann (2713 m), y chunto a iste, deseparau por a val d'o Wimbachtal, o macizo de Hochkalter (2607 m). O Watzmann ye a tercera montanya mas alta d'Alemanya. A chelera d'o Watzmann, situada en a cara este d'o Watzmann, y a de Blaueis, adchacent a o Hochkalter, son dos d'as cinco[4] cheleras que existen actualment en Alemanya.

Historia[editar | editar código]

A primera zona de protección d'a naturaleza en os Alpes de Berchtesgaden fue creyada en l'anyo 1910. Teneba un aria de 8600 ha y s'organizaba d'alcuerdo a o modelo d'os parques nacionals en os Estaus Unius. En 1919, se construyó l'hotel de montanya de Sant Bertolomeu. En marzo de 1921 s'ixampló l'aria protechida enta as 20.400 ha. Por ixas envueltas ya s'incluyiban tanto o Watzmann como o Hochkalter. Mientres a Segunda Guerra Mundial, Hermann Göring, que, entre atras responsabilidatz, estió Menistro de Selvas y Caza, declaró l'aria d'arredol de l'Obersee como aria particularment protechida de conservación d'a naturaleza. Amás se i declaroron tamién dica seis arias de protección d'a fauna que, en a practica, se feban servir como reservas de caza. A iniciativa ta creyar un parque nacional naixe en 1953. Ye en a decada de 1960 quan apareixe una nueva iniciativa ta a construcci'o d'un teleferico enta a tuca d'o Watzmann. Yera una ideya de tot contradictoria con os plans de creyación d'un parque nacional, y asinas remata albandonando-se en 1972 quan o Estau Libre de Bavera decide creyar o espacio protechiu. O parque s'ubrió o 1 d'agosto de 1978, con un aria total de 208,08 km².[5] En 1990, o parque nacional ye reconoixiu por a UNESCO como Reserva d'a Biosfera.[3] En 2010, s'ixampla a superficie d'o parque, estando actualment de 210 km².[3][1]

Torismo[editar | editar código]

Bi ha seis centros d'información, situaus en Berchtesgaden, en Ramsau, y aintro d'o parque. O parque tien un gran rete de camins ta fer cursas. Una d'as prencipals atraccions culturals d'o parque ye o peregrinache enta a ilesia de Sant Bertolomeu, situada en o Königssee.

Referencias[editar | editar código]

  1. 1,0 1,1 (en) The Berchtesgaden National Park – A National Park for All. Nationalparkverwaltung Berchtesgaden
  2. (en) http://www.unesco.de/berchtesgaden.html?L=1 The biosphere reserve Berchtesgadener Land]
  3. 3,0 3,1 3,2 (de) UNESCO-Biosphärenreservat Berchtesgadener Land
  4. (de) Bayerische gletscher: Allgemeines
  5. Nationalparkplan, pp. 5–6

Vinclos externos[editar | editar código]