Paradiso
De Biquipedia
O paraíso, parola griega παράδεισος, paradeisos á trabiés d'o latín paradisus, ye o termín emplegato en a Septuachinta ta dezir o Chardín d'o Edén. O termín griego prozede d'o persa پرديس paerdís, ‘cletato’, que se composa de paer-, ‘arredol’ (un cognado d'o griego peri-) e -dis, ‘creyar’, ‘fer’. Fuents tan antigas como Chenofont en o suyo Anábasis (sieglo IV a. C.) zitan o famoso chardín «paradiso» persa. Asinas, o suyo senificato orichinal fa referenzia á un chardín prou amplo e cudiato, que se presenta como un puesto polito e agradable, á on que á más d'árbols e flors se beyen animals engarcholatos u en libertat.
