Erithacus rubecula
De Biquipedia
| Papirroi | ||||||||||||||||
|---|---|---|---|---|---|---|---|---|---|---|---|---|---|---|---|---|
 Papirroi (Erithacus rubecula). |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Erithacus rubecula | ||||||||||||||||
| Linnaeus, 1758 |
O Papirroi, papirroyo, pitarroi u petret (Erithacus rubecula (Linnaeus, 1758)) ye un muixón tipico e esclusibo d'Europa, más que más en o sur d'o continent á on i ye espezialment abundant e i reside permanentment. Tamién le s'ha puesto trobar ocasionalment en o norte d'Africa como au migratoria fendo-ie la ibernata. Fa bels 14 cm de longaria, e se puet conoixer fazilment per a taca royisca u narancha que tien en o peito, papo e a parte frontal d'a cabeza, que ye d'on que le bien o nombre.
Os papirrois tienen una conducta reproductiba atepica entre as aus, pos ye la fembra qui busca á lo masclo ta criar, metendo-se á rondar per o territorio d'éste (os masclos gosan estar muito territorials) e lo grita ta aparellar-se. Os papirrois son d'as pocas aus capables de criar dos cobatas á la begata, pos mientres a fembra coba os buebos d'una, o masclo alimenta os pollez de l'anterior. Esto el pueden fer perque os chobens se rebolan á partir d'os 12 u 15 días de naixitos, que ye alto u baixo lo tiempo que lis cuesta á os buebos siguients de salir.
A suya alimentazión ye dibersa, pos minchan inseutos, cucos e chicoz imbertebratos que troban per o suel, á sobent esgarrapando-ie ta quitar-los, e de primabera u d'agüerro si en pueden trobar, pican tamién lulos.
Contenius |
[editar] Cualques anotazions sobre la reproduzión
.jpg)
- Meses que fan os niedos: entre abril e agosto.
- Cobatas á l'año: Una u dos.
- Buebos que ponen en cada cobata: d'entre un e seis, de color blanca con puntez.
- Tiempo que se i están aclucatos: Doze u treze días.
[editar] Nombre
Os nombres más comuns en aragonés son papirroi/papirroyo, en aragonés zentro-ozidental, pitarroi en aragonés oriental, y petret/petrel, en sobrarbenco y dialeutos meridionals. [1]
[editar] Referenzias
- ↑ Rafel Vidaller Tricas. Libro d'as matas y os animals. Dizionario aragonés espezies animals y bechetals
[editar] Se beiga tamién
[editar] Enrastres esternos
Biquiespezies tien un articlo sobre Erithacus rubecula.
Se beigan as imachens de Commons sobre papirrois.- (es) O papirroi en a Peninsula Iberica
