Paisache Protechito d'as Pinetas de Rodeno
| Pinetas de Rodeno | |
 Pinetas de Rodeno |
|
|
|
|
| Tipo | Paisache Protechito |
| Establito | 1995 |
| Superficie | 6829,05 ha |
|
|
|
| Situación |  Sierra d'Albarrazín (Teruel) |
| Latitut | |
| Lonchitut | |
|
|
|
 |
|
O Paisache Protechito d'as Pinetas de Rodeno ye un paisache protechito d'Aragón. Se troba situato en a sierra d'Albarrazín en a provincia de Teruel, o primero en estar declarato en a provincia de Teruel, en l'anyo 1995. Con una superficie total de 6.829,05 ha protechitas, as pinetas se troban entre os 1.095 m. d'altaria, en o Barranco de Tobías, y os 1.602 m. en o Cerro d'a Cruz de Montoyo.
Contenius |
[editar] Vechetación
A prencipal especie de pin que i habita ye o Pinus pinaster, que se caracteriza por tener una altaria meyana y una crosta aspra de color royenca. Tradicionalment s'han emplegato ta quitar rasina.
A más se i pueden trobar atras especies d'árbols como os Quercus (Quercus faginea, Quercus pyrenaica y exemplars relictos de Quercus petrea). Entre os arbustos trobamos os chinebros u os brucos entre atros.
[editar] Fauna
As especies que se troban en as pinetas son as tipicas d'a selva mediterrania como os chabalins, corzos, ciervos, rabosas, fuinas, llebres y esquiruelos.
[editar] Cheolochía
O suelo d'os pinars ye formato sobre un substrato de piedra d'arena roya, dita "rodeno" en o Sistema Iberico. Entre as formas que han modelato os achents atmosfericos podemos destacar as foces excavatas por os cursos d'augua, os taffoni (uecos semiesfericos en a paret rocosa) u as gnammas (grans depresions circulars en a superficie d'a roca).
D'atra man tamién bi ha un aria a on que a roca calsinera ye predominant, con un relieu más suau y zonas altas y planas. En istas zonas trobamos atras especies de pins y carrascas.
[editar] Arte rupestre
Bi ha diferents espelungas entre as pinetas a on se pueden trobar importants muestras d'arte rupestre levantín, entre as que destacan o Prado del Navazo, Doña Clotilde u a Cocinilla del Obispo. As feguras que se i gosan representar son humans cazando u cullindo y scenas d'animals (más que más toros) en colors roya y blanca.
[editar] Atras feguras de protección
- Parque Cultural d'Albarrazín
- L.I.C. Rodeno d'Albarrazín.
[editar] Vinclos externos
- (es) Paisache Protechito d'as Pinetas de Rodeno. Gubierno d'Aragón
- (es) GEA. Espacios Naturals Protechitos d'Aragón
| Espacios naturals protechitos d'Aragón |  |
|---|---|
| Cheleras Pirenencas | Foces de Fago y Biniés | Galachos de l'Ebro | Lacuna de Gallocanta | Lacuna de Sarinyena | Lomaza de Belchit | Mayestrato | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinetas de Rodeno | Pocetz-Maladeta | Saladas de Chiprana | Sant Chuan d'a Penya | Sierra y Foces de Guara | El Val | Vals Occidentals |
