Paddle surf

De Biquipedia
Ir ta: navego, busca
Kai Lenny, World Cup Sylt 2009
Un hombre fendo SUP.

O paddle surf u surf a remo (abreviato SUP, en anglés stand up paddle surfing, en hawaiiano Hoe he'e nalu), ye un esporte aquatico d'orichen hawaiiano. O esporte ye una antiga forma d'o surf que tornó a surtir como una forma d'os monitors de surf d'amostrar a grans grupos de surfistas primerencos, tenendo dencima d'a tabla un millor punto d'anvista, aumentando asinas a visibilidat de tot lo que les rodiaba, como as ondas marinas que yeran plegando a la costa. En primeras, se feban servir remos con una sola pala y s'emplegaban tablas de surf d'una longaria estándar. A popularidat d'o moderno paddle surf tien o suyo orichen en as islas Hawaii. En os primers anyos d'a decada de 1960, os mocetz d'a placha de Waikiki (en anglés os "Beach Boys") puyaban de piet en as suyas luengas tablas y remaban con remos d'outriggers (tipicas embarcacions hawaiianas) ta fer fotos d'os toristas aprendendo surf. Ye aquí a on que s'orichinó o termin "Beach Boy Surfing", con que ye tamién conoixito iste esporte.[1]

Muitos surfers tradicionals s'han convertito en practicants de paddle surf por a versatilidat d'iste nuevo esporte. O paddle surf ofreixe a os surfers a posibilidat d'agafar as ondas marinas en a posición de piet, lo que ye tamién una avantalla importat ta veyer a plegata de nuevas ondas.

As tablas de paddle surf modernas, especialment disenyatas ta iste esporte, tienen pres entre os 500 y os 1200. A mayoría son construyitas en plastico reforzato con vidre emplegando resina epoxi, que ye compatible con o poliestireno expandito que se fa servir en a construcción d'o nuclio. As tablas son por un regular mayors de 3 metros, y dica 4 metros u mas de longaria, con superficies acolchatas y cascos concavos ta premitir una mayor estabilidat d'o surfista sobre a tabla. Cheneralment disponen de una u tres aletas en a popa como as que levan as tablas tradicionals de surf.

Se veiga tamién[editar | editar código]

Referencias[editar | editar código]