Organización d'o fútbol en Aragón
O fútbol aragonés ye organizato por a Federación Aragonesa de Fútbol, anque os clubs de mayor ran s'integran en competicions organizatas por a Federación Espanyola de Fútbol.
Contenius |
[editar] Competicions absolutas masculinas
Os clubs aragoneses masculins de fútbol s'integran en una escala de nueu categorías. As quatro primeras son organizatas por a Federación Espanyola de Fútbol. Dende a cinquena lo son por a Federación Aragonesa de Fútbol. As tres primeras categorías son profesionals. A quatrena categoría combina clubs semi-profesionals u amateurs y dende a cinquena totz os clubs son amateurs. Dende a Tercera división (4ª categoría) os diferents grupos son formatos nomás por clubs aragoneses y bell club soriano. A Segunda División B (3ª categoría) la forman clubs d'una mesma zona d'a Peninsula Iberica. Os equipes aragoneses gosan estar adintro de grupos formatos por equipos d'a zona este (Catalunya y Valencia y a vegatas Castiella-A Mancha y Murcia) u zona norte (Navarra, A Riocha y País Vasco)
| Ran | Organizador | División (grupos) | Zona d'actuación |
|---|---|---|---|
| 1 | RFEF | Primera división | Espanya |
| 2 | RFEF | Segunda división | Espanya |
| 3 | RFEF | Tercera División - (Grupo XVII) | Aragón |
| 4 | FAF | Rechional preferent - (2 grupos) | Aragón |
| 5 | FAF | Primera rechional - (4 grupos) | Aragón |
| 6 | FAF | Segunda rechional - (5 grupos) | Aragón |
| 7 | FAF | Segunda rechional B | Aragón |
| 8 | FAF | Tercera rechional - (3 grupos) | Aragón |
[editar] Competicions absolutas femeninas
O clubs aragoneses femenins de fútbol s'integran en una escala de tres categorías, organizata de forma pareixita a la masculina, pero con menos categorías, debito a la menor existencia de clubs. Todas as categorías son amateurs, anque a primera tien bells clubs semi-profesionals.
| Ran | Organizador | División (grupos) | Zona d'actuación |
|---|---|---|---|
| 1 | RFEF | Dibisión d'Honor (Superliga) | Espanya |
| 2 | RFEF | Primera División - (Grupo I) | Aragón, Navarra, País Vasco y A Riocha |
| 3 | FAF | Campionato Femenín | Aragón |
