Organización Mundial d'o Comercio

De Biquipedia
Ir ta: navego, busca
Articlo d'os 1000
Miembros d'a OMC. En verde claro a Unión Europea.

A Organización Mundial d'o Comercio (OMC) ye una organización internacional que supervisa os alcuerdos comercials que definen as "reglas d'o comercio" entre os suyos estatos miembros. A OMC ye o sucesor de l'Alcuerdo Cheneral de Tarifas e Comercio (GATT, por as suyas sieglas en anglés) y tien como proposito reducir u eliminar de raso as barreras internacionals a lo comercio.

A seu d'a OMC se troba en Chinevra, Suiza. O 13 de mayo de 2005, Pascal Lamy fue esleito como director cheneral. O 19 d'agosto de 2005 l'OMC teneba 148 estatos miembros. Totz os miembros d'a OMC han de conceder-se os uns a los atros o estatus de nación favoreixita, ta que (con excepcions) as concesions comercials que un miembro da a un atro, sían conceditas a totz os miembros d'a organización.

Orichens[editar | editar código]

A OMC fue establita o 1 de chinero de 1995 ta sustituyir a l'Alcuerdo Cheneral de Tarifas y Comercio (GATT), que yera en realidat un conchunto de tractatos internacionals signatos luego d'a Segunda Guerra Mundial ta facilitar o libre comercio entre as nacions. Os principios y alcuerdos d'o GATT fuoron adoptatos por a OMC, que recibió la comanda d'enanplar-los. A diferencia d'o suyo predecesor o GATT, a OMC sí que en tien una estructura institucional.

A más, a OMC ye a sucesora d'a prevista y mai establita Organización Internacional de Comercio, que tenerba que sustituyir a o GATT. A Conferencia de Comercio y Ocupación de La Habana (Cuba) de marzo de 1948 heba alcordato a creyación d'a Organización Internacional de Comercio, encara que ista propuesta fue bloqueyata por o Senato estatounitense.

Vinclos externos[editar | editar código]