Orden de Sant Francisco

De Biquipedia
Ir ta: navego, busca
Orden de Sant Francisco
FrancescoCoA PioM.svg
Información cheneral
Nombre latín Ordo Fratrum Minorum
Fundador Sant Francisco d'Asís
Fundación 1209

La Orden de Sant Francisco u Orden Franciscana ye una orden relichiosa catolica mendicant fundada por Sant Francisco d'Asís en Italia en l'anyo 1209 y aprobada por lo Papa Inocencio III.[1] A causa de succesivas scisions esdevinió un conchunto de grupos y comunidatz que siguen beluna de las reglas inspiradas por Sant Francisco d'Asís.

Los franciscans creyen en la pobreza de Cristo y por ixo la pobreza ha d'estar l'eixe de la vida de cada persona y de cada comunidat como tal, encara que quan en l'anyo 1226 murió Sant Francisco d'Asís se producioron diferents scisions sobre la rigor de como interpretar-lo. Ya en 1212 una branca feminina de los franciscans ya heba estau fundada: las clarisas,[1] que prenen lur nombre de Clara d'Asís.

Los franciscans medievals fundoron conventos en arrabals urbans. Se calcula que arredol de 1221 lo numero de flaires franciscans yera de bells 5.000, y que a zaguers de lo sieglo XIII ya debeba haber-ie bells 45.000 flaires franciscans distribuitos en 34 provincias y vicariatos.[1] A traviés de los sieglos dimpués de la fundación, s'han iu producindo movimientos de reforma y han continau los procesos scisión, resultando-ne diferents brancas y ordens que en bell caso s'han deseparau de l'orden orichinario: la més gran part son reformas de la orden franciscana que heban de conducir a una aplicación mes rigorosa de la regla, d'acuerdo con lo suyo esprito fundacional.

Referencias[editar | editar código]

  1. 1,0 1,1 1,2 (es) Jose-Ramón Julià: Atlas de Historia Universal. Tomo I: De los orígenes a las crisis del siglo XVIII. Editorial Planeta. p 204.

Veyer tamién[editar | editar código]