Onso griso
De Biquipedia
| Ursus arctos horribilis | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Fembra d'onso griso americán, con a colorazión que le da lo nombre á esta subespezie |
||||||||||||||||||
| Estato de conserbazión | ||||||||||||||||||
|
||||||||||||||||||
| Clasificazión zentifica | ||||||||||||||||||
|
||||||||||||||||||
| Nomenclatura binomial | ||||||||||||||||||
| Ursus arctos horribilis | ||||||||||||||||||
| Ord, 1815 |
L'onso griso (Ursus arctos horribilis, clamato popularment Grizzly en America d'o Norte) ye una bariedat gran de l'onso pardo, e que puede tener pendendo en os endibiduos colors que bailan d'entre la marrón fusca dica l'amarellisca. Autualment bibe en as tierras altas de l'ueste de norteamerica, encara que s'azepta que belas formas d'onsos grisos feban bida en Rusia e Siberia dica en abe pocos tiempos. Autualment, a unica subespezie que podría clamar-se onso griso ye l'americana (U. a. horribilis), mientes que l'onso griso de Siberia (Ursus uralensis) se troba ausidito.
Os onsos grisos americans son más grans que no os onsos pardos europeyos, gosando dica pesar bels 500 kg en os masclos adultos (esto ye, aprosimadament, 1,8 begadas o peso d'a fembra, un exemplo claro de dimorfismo sexual) e presentan una gran bariedat de colorazions seguntes as suyas poblazions d'orichen, cosa que ye prou singular d'esta subespezie porque no se troban bariazions tan grans de colorazión en garra altra bariedat autual d'onso pardo.
Normalment, l'onso griso ye un animal temido e solenco que muitas begadas fa bida de nueit. Sin d'embargo, cuan o desobe d'os salmons estos animals se congregan en a ribera d'os rios e barrancos ta caturar os peixes. Modernament encara pueden beyer-sen en bels puestos d'Alaska e Canadá grans congregazions d'onsos grisos aguaitando a plegada d'os salmons.
