Ogmios

De Biquipedia
Ir ta: navego, busca

Ogmios (Ὄγμιος) ye o dios galo d'a elocuencia y a parabra y tamién tien caracter de dios d'a guerra y fue asimilato a Hercules en a interpretatio romana. Se'n tien millor conoixencia que d'atros dioses galos por un texto de Luciano de Samosata. Ye representato como un Hercules viello con unas cadenas d'oro que li salen d'as orellas y plegan dica as bocas de sers humans.

D'esta traza ye un dios que paraliza con machia a las suyas victimas y relacionato con actividatz d'intimidación u guerra psicolochica que se feban en l'antiguedat en os campos de batalla con ruidos, encantamientos, maldicions, etc...

Una representación d'o Hercules galo que de seguro que correspondeba a Ogmios se troba en o Museu Granet d'Aix-en-Provence.

En Celtiberia yera conoixto como Ocnioroco, por o menos en a redolata d'Arcobriga (Mont-reyal de Fariza). En a tradición irlandesa se troba como Ogma, dios d'a literatura y inventor d'a escritura ogamica.

Bibliografía[editar | editar código]

  • Jean Markale: Pequeño diccionario de mitología céltica. Alejandría, 1995. 2000.