Ocián Indico

L'Ocián Indico ye o tercer volumen d'augua más gran d'o mundo, y cubre alto u baixo lo 20% d'a superficie d'a Tierra. Muga a lo norte con o sud d'Asia; a l'ueste con a Peninsula Arabica y Africa; a l'este con a Peninsula Malaya, as Islas Sonda, y Australia; y a lo sud con l'Antartida.

Mapa

Ye desalpartato de l'Ocián Atlantico por o meridián 20 graus este, a lo sud d'Africa, y de l'Ocián Pacifico por o meridián 147 graus este. O punto más a lo norte d'o Ocián Indico ye alto u baixo a 30 graus norte de latitut d'o Golfo Persico. L'ocián tien alto u baixo 10.000 km d'amplaria entre as puntas sud d'Africa y Australia; a suya aria ye 73.556.000 km², incluyindo o Mar Royo y o Golfo Persico. O volumen de l'ocián s'estima en 292.131.000 km³. Chicotas islas puntian os cantos continentals.

As nacions de l'ocián son Madagascar, a quatrena isla más gran d'o mundo; Comores; Seychelles; Maldivas; Mauricio; y Sri Lanka. Indonesia lo rodia. A importancia de l'ocián como una rota de transito entre Asia y Africa lo ha convertido en un foco de conflictos. De todas manieras, denguna nación lo ha xalapato con exito dic'os empecipiallos d'o sieglo XIX quan Anglaterra controlaba a mayoría d'a tierra perimetral.

Vinclos externos

• Se veigan as imáchens de Commons sobre Indian Ocean.