O Pueyo de Tena

Iste articlo trata sobre o lugar de Pueyo de Tena. Ta atros emplegos d'o toponimo Pueyo se veiga Pueyo (desambigación).

O Pueyo de Tena
Localidat d'Aragón
Dentrata a lo lugar dende Oz
Entidat  • País  • Provincia  • Comarca  • Municipio	Lugar Aragón  Uesca Alto Galligo Pandicosa
Población  • Total	62 hab.
Altaria	1.091 m.
Distancia  • 90 km	enta Uesca
Codigo postal	22661
Chentilicio	poyense
Parroquial  • Diocesi  •Arciprestato	Chaca Biescas
Ríos	Caldarés y Galligo

O Pueyo de Tena u simplament O Pueyo (Pueyo de Jaca en castellán) ye un lugar d'o municipio de Pandicosa, enclavato en a val de Tena, en a comarca de l'Alto Galligo y provincia de Uesca.

A suya población ye de 62 habitants.

O chentilicio d'o Pueyo de Tena ye poyense, anque tamién se conoixe popularment á los suyos habitadors como lapayons u pozaminguers.

Cheografía

Ilesia de Sant Miguel

O Pueyo de Tena ye situato a lo canto d'o entibo de Búbal, a on o río Caldarés desemboca en o Galligo a 2 km de distancia enta Pandicosa, a capital d'o suyo municipio y 90 km enta Uesca, a capital d'a suya provincia.

Toponimia

Seguntes Antonio Ubieto Arteta estió El Pueyo dica 1834, y El Pueyo de Jaca dende 1857. En realidat Antonio Ubieto Arteta en o suyo libro de Los Pueblos y los Despoblados no gosa quaternar as variants con fonetica u morfolochía aragonesa y se limita a comentar os cambeyos de radiz u apelativos.

En o fogache de 1405 ordenato en as Cortz de Maella de 1404 s'escribiba Lo Puyo u simplament Pueyo. En atras fuents yera Lo Pueyo u O Pueyo y s'escribiba en castellán como El Pueyo) dica 1875 quan le se adhibió oficialment en castellán l'apellito "de Jaca".

Historia

Palazet d'a Vinyaza

D'antis más y debito a la suya situación estratechica en o centro d'a val de Tena, plegó a estar capital administrativa d'a val, ya que en iste lugar se reuniba la Chunta Cheneral d'a Val, con seu en as "Casas d'a Val".

Formaba chunto con Oz y Pandicosa o quinyón de Pandicosa, un d'os tres quinyons d'a val. En os anyos 1970 pasó a fer parte d'o municipio de Pandicosa.

Molimentos

Destacan as suyas casas tradicionals, o Palacet d'a Vinyaza, o puent d'o Concellar y a ilesia de Sant Miguel d'o sieglo XVIII d'una nau y construita sobre atra anterior d'o sieglo XVI.

Vinclos externos

• Se veigan as imáchens de Commons sobre o Pueyo de Tena.