Nolwenn Leroy

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Nolwenn Leroy
Nolwenn Leroy
Nolwenn Leroy
Información personal
Nombre Nolwenn Leroy
Embotada
Naixió 28 de setiembre de 1982
Murió
Información musical
Orichen Lokournan, Bretanya
Estilo Musica pop
Ocupancia {{{Ocupancia}}}
Instrumentos Voz
Tiempo 2003-...
Discograficas {{{Discografica}}}
Relacionau con {{{Artistas_relacionaus}}}
Pachina web Pachina oficial

Nolwenn Leroy, (naixita 28 de setiembre de 1982 de Lokournan, Finisterre), ye una cantaire bretona, descubierta por o reality show d'a televisión francesa Star Academy. Ye conoixita por suyos dos singles que han plegato dica o numero un "Cassé" y "Nolwenn Ohwo!".[1] As suyas cancions son en francés y en bretón.

Biografía[editar | modificar o codigo]

Os pais de Leroy deixoron chunto con ella o suyo lugar natal de Lokournan cuan teneba nomás cuatre anyos. Dimpués de vivir en París, Lille y Gwengamp, su mai Murielle, Leroy, y a su chirmana chica, se'n fuoron a vivir ta casa d'os abuelos de Leroy en Sant Tiourre (Alier). Su mai s'heba divorciato de su pai, o futbolista profesional Jean-Luc Le Magueresse, en 1992.

Estudió en o "Collège des Célestins" en Vichèi. Cuan Leroy teneba 11 anyos, a suya mayestra de musica descubrió as suyas habilidaz musicals, y l'alentó a aprender vriolín. Con 13 anyos d'edat ganó o concurso "Les écoles du désert", organizato por a cadena de supermercatos Cora, por lo que viachó con una misión humanitaria dende Gao dica Timbuktú, Mali. Dimpués comentó que iste feito tenió una gran influencia en ella.

En chulio de 1998, obtenió una beca d'o Rotary Club de Vichèi ta estudiar en Cincinnati, Ohio, como estudiant d'intercambeo. Mientres estió astí, fuó ta escuela d'artes Hamilton High School. De tornada en Francia, y parlando con fluideza anglés, prencipió a fer clases de canto clasico en o conservatorio musical de Vichèi. Dende 2001 estudió Dreito en a Universidat de Clarmont-Ferrand, como una potencial carrera alternativa a la musica.

Star Academy[editar | modificar o codigo]

Dimpués de veyer a primera edición d'o programa televisivo Star Academy en 2001, Leroy quedó impresionata por Armande Altaï, un d'os miembros d'o churato; por lo que decidió estudiar clases de canto con Altaï. En 2002, dimpués de fer as prebas, fue trigata ta a segunda edición d'o programa, y en zaguerías o publico la trigó como ganadora debant de l'atro finalista, Houcine.

Grabacions[editar | modificar o codigo]

Nolwenn Leroy (2003)[editar | modificar o codigo]

O primer álbum de Leroy, Nolwenn, amaneixió en marzo de 2003 y ya heba vendito mas de 400.000 copias en noviembre d'ixe mesmo anyo. En 2006, Universal Music dició que s'heban vendito mas de 700.000 copias, encara que no bi ha certificación oficial d'iste feito por o Syndicat national de l'édition phonographique. Cuatre cancions de l'álbum, "Cassé", "Une Femme cachée", "Suivre une étoile" y "Inévitablement" amaneixioron tamién como singles. Dende aviento de 2003, Leroy presentó o disco en una chira por Francia, Belchica y Suiza.

Histoires Naturelles (2005)[editar | modificar o codigo]

O segundo disco de Leroy, Histoires Naturelles, fue producito por Laurent Voulzy. Amaneixioron cinco singles de cancions de l'álbum. "Nolwenn Ohwo!", escrita por Alain Souchon y Voulzy, que gosó estar numero un d'as listas d'exitos francesas.[2] O segundo single estió a canción "Histoire Naturelle". Se facioron vidios musicals d'as dos cancions; o vidio d'"Histoire Naturelle" expresa o tema prencipal d'o disco, con Leroy vesitando una exposición d'un museu d'historia. D'a resta de single, "Mon Ange" fue distribuito dichitalment, mientres que "J'aimais tan l'aimer" y "Reste Encore" fuoron nomás promocionals. Dende setiembre de 2006 y aintro d'a chira "Histoires Naturelles Tour" Leroy interpretó cancions d'os discos Histoires Naturelles y Nolwenn. O primer álbum en directo de Leroy se quitó dimpués d'ista chira en octubre de 2007.

Le Cheshire Cat & Moi (2009)[editar | modificar o codigo]

Le Cheshire Cat & Moi estió un prechecto que prencipió en 2007, co-escrito por Leroy y Teitur Lassen, con contrebucions de Jonatha Brooke, Michelle Featherstone, Mike Errico y Rupert Hine. Fue producito por Lassen, y gravato en Sweden y as Islas Feroe. Tien un sonito mas acustico que Histoires Naturelles, y dió a oportunidat a Leroy de composar musica por primera vegada. L'álbum amaneixió en aviento de 2009. Se fació a chira "Le Cheshire Cat & Vous" ta promocionar o disco en 2010.

Bretonne (2010)[editar | modificar o codigo]

Leroy quitó o suyo cuatreno álbum d'estudio, Bretonne, o 6 d'aviento de 2010. Iste álbum incluye versions de cancions tradicionals celtas como "Mná na h-Éireann", y cancions contemporanias como "Brest" de Christophe Miossec. A mayoría d'as cancions tienen bella relación con Bretanya, o país a on que naixió a cantaire, y cuatre d'ellas son en bretón. Leroy colaboró con Jon Kelly ta fer os apanyos musicals.[3] L'álbum estió o primero en as lista d'exitos francesas mientres 8 semanas.

Investigacions[editar | modificar o codigo]

S'han feito estudios d'o impacto neurolochico d'a musica de Leroy entre as personas de mas edat.[4][5][6] Os cientificos troboron que a musica de Leroy puet tener efectos mas beneficiosos que atras musicas, afirmando que: "s'ha trobato que a musica de Nolwenn Leroy tien un efecto positivo significativament superior a atras musicas testeatas". Ta describir o fenomeno fan servir o termin efecto Nolwenn, decindo que: "a musica de Nolwenn Leroy pareixe tener un efecto diferent sobre a modulación de funcions motoras d'o cerebro en comparanza con atras musicas testeatas".

As prebatinas se facioron con musica de Mozart y de diferents cantaires neerlandeses y franceses; entre os que nomás s'especificó a Leroy. O estudio remató en febrero de 2008 en os Estaus Unius, pero no s'han publicato resultatos substancials.[7]

Discografía[editar | modificar o codigo]

Álbums[editar | modificar o codigo]

Anyo Títol Posición en as listas[8][9]
FR BEL SWI
2003 Nolwenn 1 1 2
2005 Histoires Naturelles 3 7 44
2009 Le Cheshire Cat et Moi 26 32 -
2010 Bretonne 1 1 20

Singles[editar | modificar o codigo]

Anyo Títol Posición en as listas[1][10] Álbum
FR BEL SWI
2003 "Cassé" 1 1 4 Nolwenn
"Une Femme Cachée" 40 23 78
"Suivre Une Etoile" 12 24 44
2004 "Inévitablement" 31 26 -
2006 "Nolwenn Ohwo!" 1 3 29 Histoires Naturelles
"Histoire Naturelle" 30 39 -
"Mon Ange" 14* 6* -
2007 "J'aimais Tant L'Aimer" - - -
"Reste Encore" - - -
2009 "Faut-il, Faut-il Pas ?" - 6* - Le Cheshire Cat et Moi
2010 "Suite Sudarmoricaine" - 26* - Bretonne
"La Jument de Michao" 34* 13 -
"Tri Martolod" 48* 29 -
"Brest" - - -

* Posición en as listas de descargas francesas[11] y a belga Ultratip[12]
- Significa que o single no estió en as listas u no fue quitato como single promocional

Referencias[editar | modificar o codigo]

Vinclos externos[editar | modificar o codigo]