Nieus Luzía Dueso Lascorz

Esta fuella ye escrita en chistabín.

Nieus Luzía Dueso Lascorz
Nieus Luzía Dueso en l'acto de nombramiento como Miembro d'Honor de l'Academia de l'Aragonés.
Información personal
Naixita n'o:	1930
Naixita de:	Plan
Muerta o:	4 de marzo de 2010
Muerta en:	Balbastro
Ocupación:	Mayestra y escritora

Nieus Lucía Dueso Lascorz u Nieus Luzía Dueso Lascorz como gosaba firmar totz es suyos libros, (Plan, 1930- Balbastro, 4 de marzo de 2010) va estar una escritora en luenga aragonesa de la Val de Chistau (Sobrarbe). Va baixar a estudiar Bachillerato ta Balbastro y dimpués va marchar ta Uesca ta fer Machisterio en la Escuela Normal. Va estar de mayestra toda la suya vida per l'Altoaragón dica que se va chubilar en 1992. Va estar miembro de'l Consello d'a Fabla Aragonesa dende 1979. En 2007 va estar nombrada Academica d'Honor por l'Academia de l'Aragonés.

De la obra poetica de Nieus Luzía Dueso destaca Al canto'l Zinqueta colección de poemas chistabins, pero el más important de las suyas obras ye la replega de leyendas populars de la Val de Chistau e la suya recreyación narrativa como Leyendas de l'Alto Aragón, La Fuen de la Siñora, Dios m'en guarde! (traducida enta'l catalán) y la suya zaguera obra Santamaría (traducida enta'l castellán).

En 1982 Nieus Luzía Dueso va ganar un Onso d'oro en el Primer Certamen Literario "Val d'Echo", con la Leyenda del siñó de San Chuan. Tamién va ganar el premio "Flor de Nieve de Plata" de Radio Huesca, y va estar finalista en el premio "Altoaragón" de la Semana Cultural de Balbastro de 1974 con un relato en chistabín.

Va publicar arrienda articlos en revistas como Argensola, Luenga e Fablas u Fuellas, relacionaus más que más con cuentos y leyendas de tradición oral, pero tamién novelas curtas. Es suyos primers textos publicaus en aragonés son de l'anyada 1967.

Va feneixer en Balbastro el 4 de marzo de 2010, vinte días de dimpués de sufrir un accident.

Bibliografía

Libros

• Al canto'l Zinqueta. Uesca : Publicazions d'o Consello d'a Fabla Aragonesa, 1980. ISBN 84-300-2461-1.
• Leyendas de l'Alto Aragón. Uesca : Publicazions d'o Consello d'a Fabla Aragonesa, 1985. ISBN 84-86036-10-1. (2a edición ixamplada publicada en 2003. ISBN 84-95997-09-6).
• La Fuen de la Siñora. Uesca : Publicazions d'o Consello d'a Fabla Aragonesa, 2002. ISBN 84-95997-01-0.
• Dios me'n guarde. Uesca : Publicazions d'o Consello d'a Fabla Aragonesa, 2007. ISBN 978-84-95997-26-5.
• Santamaría. Cuento chistabino. Uesca : Instituto de Estudios Altoaragoneses, 2007. ISBN 978-84-8127-180-5.

Atras Publicacions

• Bizén d'o Río Martínez, Nieus Luzía Dueso Lascorz. Los agotes de Gestavi (bal de Gistau). Argensola: Revista de Ciencias Sociales del Instituto de Estudios Altoaragoneses, ISSN 0518-4088, Nº 106, 1992, pags. 151-172.

• Nieus Luzía Dueso Lascorz. El valle de Gistau: vegetación. Argensola: Revista de Ciencias Sociales del Instituto de Estudios Altoaragoneses, ISSN 0518-4088, Nº 98, 1984, pags. 347-356.

• Nieus Luzía Dueso Lascorz. L'autosia (cuento xistavino). Argensola: Revista de Ciencias Sociales del Instituto de Estudios Altoaragoneses, ISSN 0518-4088, Nº 65-70, 1968‑1970, pags. 173-176.

• Nieus Luzía Dueso Lascorz. La Val de Xistau Economía. Argensola: Revista de Ciencias Sociales del Instituto de Estudios Altoaragoneses, ISSN 0518-4088, Nº 61-64, 1966‑1967, pags. 81-84.

• Nieus Luzía Dueso Lascorz. Bela cosichona de la Bal de Chistau. Fuellas d'informazión do Consello d'a Fabla Aragonesa, ISSN 1132-8452, Nº 16, marzo-abril 1980, pags. 3-9.

• Nieus Luzía Dueso Lascorz. El valle de Gistau: Mitos, ritos, tradiciones, supersticiones. V Jornadas de cultura altoaragonesa, 1986, pags. 229-250.

Vinclos externos

• (es) Articlos de Nieus Luzía Dueso Lascorz en Dialnet.
• (es) "Nieus Luzía Dueso Lascorz: una vida de mujer ejemplar para el aragonés", Rolde, nº 133, abril-junio 2010, por María Pilar Benítez Marco.