Niceforo II

Niceforo II
Emperador d'o Imperio Bizantín
Niceforo II
Emperador d'o Imperio Bizantín
963 - 969
Predecesor	Román II
Succesor	Chuan I Tzimisces
Naixencia	enta 912
Muerte	11 d'aviento de 969
Dinastía	Dinastía macedonica
Pai	Bardas Focas o Viello

Niceforo II Focas ye naixito enta 912 y morió l'11 d'aviento de 969. Estió un cheneral que esdevinió emperador d'o Imperio Bizantín y lechitimó a suya posición por matrimonio con Teofano y integrando-se en a Dinastía Macedonica.

Mientres o reinato de Román II destacó como cheneral. Reconquirió Creta, Germanicea, Anazarbos, Raban y Duluk. En l'anyo 962 derrotó a Saif-ad-Dawlah en Halepo.

tanto que Nicoforo Fucá priso por la fuerça la ciudat de Veria, excepto cu colaç. De la cual ciudat ha levado innumerable cantidat de trasoro e cativados muitos bárbaros e liberado muitos cristianos, los cuales eran cativos e encarcerados en aquella ciudat que aquel ora se clamava Veria (agora se clama Cálep).

O 15 de marzo de 963 morió Román II y a suya muller Teofano encomenzó a exercer de rechent d'os suyos fillos Basilio II y Costantín VIII y sabendo que a suya situación ye precaria s'une en un plan a lo cheneral Niceforo Focas, que ye consagrato emperador por as tropas suyas en Cesaria. Usurpa o poder o 14 d'agosto de 963 y Teofano li ofreixe a suya man. Baixo o suyo mandato o imperio recuperó Chipre y Cilicia.

En o contexto d'o error d'a diplomacia bizantina de preferir a los rusos en conta d'os khazaros como aligatos, fació liga con o prencipe ruso Sviatoslav contra os bulgaros y lo recompensó por invadir Bulgaria. Sindembargo os rusos preboron d'estendillar os suyos dominios a lo sud d'o Danubio y los bizantins habioron de fer guerra contra ellos y os pazinacos con inferioridat de numero.

Muerte

Habió de puyar os impuestos y devalorar a moneda, y esto lo fació impopular. I habió bellas revueltas. A suya muller Teofanó y o suyo sobrín Chuan Tzimisces conspiroron en contra d'ell y lo asasinoron en a suya cambra. En o "Libro de los Emperadors" lo describen asinas:

E aquestos entraron en la cambra del emperador, el cual tenía su leito en terra e dormía ; de que uno de la companyía de Johanni, diziéndole vilanías, le dió un colp con el piet e lo espertó. E como fue espierto e levantó un poco su cabeça, le daron un colp en la cabeça qu elo fizo todo estordir. E aprés, aquesti Johanni se posó en su leito, e las sus companyias lo levaron devant l'emperador Nicoforo, teniéndolo de una part e de otra, que non se podía tener por el colp de la cabeça. E estando devant Johanni le va demandar: Dime, Nicoforo, qué tuerto te he yo feit jamás, ni qué vilanía te he yo dita, que tú has feito contra mí tanto ?. al cual Nicoforo no tornó respuesta, sino Ayudame Dios. Aprés esto Johanni mando sus companyías que.l crebassen las dientes con los pomos de las espadas. En aquesti medio, uno d'ellos diole un colp con una lança en las espaldas e passolo de part a part, tantost fue muerto. E aprés le tallaron la cabeça e la mostraron por una finestra a sos cambreros

Predecesor: Román II

Emperador d'o Imperio Bizantín 963-969

Succesor: Chuan I Tzimisces