Neptún (mitolochía)

Neptún, 1725, Agnolo Bronzino, Museu de Los Angeles California.

En a mitolochía romana, Neptún ye o fillo mayor d'os dioses Saturno y Ops, chirmán de Chupiter y Plutón. Neptún gubierna todas as auguas y mars. Acaballa as ondas marinas sobre caballos blancos. Totz os habitants d'as auguas han d'obedeixer-lo y se lo conoixe como Poseidón en a mitolochía griega.

Neptún trigó o mar como morada y en as suyas fonduras existe un reino de castiellos d'oro. Con o suyo poderoso trident sobate as ondas marinas, fa naixer fuents y manantials an quiera y quan ye poseíu por a suya ira provoca os temibles tierratremos.

Iste dios ye un rei inseparable d'os suyos caballos. Por ista y mas razons, se le simboliza con un caballo.

O dios d'as mars ye un muit perigloso y inestable elemento, con as suyas emocions puede provocar dende terribles tronadas y tempestatz dica ondas tranquilas y pacificas, por la qual cosa nunca dengún intenta provocar-lo sin un important motivo.

En a Val d'Aude y en o Rosellón unas fadas d'as auguas dulzas que tienen a denominación de Nitas u Mitonas derivada d'o nombre de Neptún.

Mencions en fuents aragonesas

Son pocos os textos en aragonés meyeval que mencionen a lo dios d'a mar. Entre os pocos en tenemos a traducción aragonesa de "Vidas Semblants":

Et poresto el ordeno aq(ue)lla fiesta / & por(e)l lugar la clama ystinia / Et la fiesta d(e)los Olimpios es de jupit(er) mas la fiesta d(e)los ystinios es de Neptuno / mas algu(n)os dize(n) q(ue) la fiesta d(e)los ystinios no(n) era por Neptuno / mas por Squiro(n) / por limpiamje(n)to d(e)la contaminacio(n) d(e)l homicidio

[E]dra por(e)l t(iem)po passado escondio la u(er)dadera generacio(n) de theseo / & pitheo metio vna fama que theseo era engendrado de Neptuno