Neodruidismo

Tres mullers vestitas de druidesas con enchaquia d'una celebración en Stone Henge.

Lo neodruidismo ye un conchunto de movimientos relichiosos que preban de recuperar lo druidismo historico u que suposatament pretenden continar-lo.

Bi ha seguidors de lo neodruidismo en tot lo mundo, pero més que més en las Islas Britanicas, Francia, atros países d'Europa, Australia, Norteamerica, Archentina y Brasil. En conchunto pueden estar un millón de presonas que pueden pretender estar druidas u no més perteneixer a una confraría druidica.

Estas confrarías son numerosas, variatas, y a sobén en contra unas d'atras tanto por la doctrina como por lo ritual, finalidatz y orichen social. Son pocas las purament neodruidicas, y bi n'ha que admiten la doble pertenencia: un neodruida d'estas confrarías puet estar inscrito tamién en una Ilesia cristiana de qualsiquier tendencia. Bi ha confrarías neodruidicas que dependen més de las lochias masonicas que d'una tradición druidica autentica.

Las confrarías neodruidicas se pueden clasificar en quatre categorías prencipals:

• Druid Order, continadors de la doctrina de John Toland, tien tendencias esotericas.

• Ancient Order of Druids, continadors de la doctrina de Henry Hurle, con influencias masonicas, en especial en lo suyo ritual inspirato en la masonería escocesa.

• Order of Bards, Ovates and Druids, continadors de la tendencia de Iolo Morganwg, ha tenito influencias nacionalistas relacionatas con Galas y Bretanya.

• Atras confrarías u sectas, que no se relacionan con las anteriors, con menos chent, que se mantienen por la efimera voluntat d'un fundador y que pueden claros sincretismos con atras y variatas relichions.

Especialistas u conoixedors de la relichión u mitolochía celta como Jean Markale qüestionan que estos movimientos como continadors de garra tradición, como diz en un libro suyo:

la manca d'informacions, los errors plateras, en particlar en las fechas de las fiestas, la tendencia a lo esoterismo que permite cualsiquier divagación, lo sincretismo, la influencia perniciosa de las doctrinas y ritos de l'Orient y de l'Orient Estrimero, tot ixo no contribuye a la claridat de la qüestión ni fa plausible lo suyo caracter celtico

no ye prou dicir que un ye druida, prenunciar parabras en una luenga celta cualsiquier y vestir-se con un gran habito blanco pa estar un druida

Referencias

Jean Markale. DRUIDAS: TRADICIONES Y DIOSES DE LOS CELTAS. Taurus humanidades. 1989.