Nanotecnolochía

De Biquipedia
Ir ta: navego, busca
Articlo d'os 1000
Representación animata d'un nanotubo de carbonio

A nanotecnolochía ye un campo d'as sciencias aplicatas adedicato a lo control y manipulación d'a materia a una escala menor que un micrometro, ye decir, a nivel d'atomos y moleculas. O más habitual ye que ista manipulación se faiga en un rango d'entre un y cient nanometros. Ta fer-se una ideya d'a mida tan chicota que puet estar un nanobot (un robot de proporcions microscopicas feito con nanotecnolochía), alto u baixo, un de 50 nm tien a mida de 5 capas de moleculas u atomos (pendendo de que sía feito lo nanobot).

Nano- ye un prefixo griego que indica una mesura, no un obchecto, asinas que a nanotecnolochía se caracteriza por estar un campo esencialment multidisciplinar, y unito nomás por a escala d'a materia con a que treballa.

Historia d'a nanotecnolochía[editar | editar código]

Tot prencipia quan Richard Feynman (1918-1988), d'a Universidat Tecnolochica de California, ganó lo Premio Nobel de Fisica o 29 d'aviento de 1959 y fació una charrata que significó lo prencipio d'a nanosciencia. I dició:

Os prencipios d'a fisica, seguntes a mía opinión, no negan a posibilidat de manipoliar as cosas atomo a atomo. No ye una prebatina de violar denguna d'as leis (d'a fisica); ye una cosa, en prencipio, que se puet fer; pero en a practica no s'ha feito porque (as presonas) somos muit grans.

Dende allora, os scientificos intresatos en o tema no han deixato d'investigar dica obtener uns resultatos que han embrecato a una gran variedat de sciencias, como a quimica (molecular ye computacional), a bioquimica, a biolochía molecular, a fisica, a electronica, a informatica, a medecina, a robotica, etz.

Aplicacions[editar | editar código]

As presents aplicacions d'a nanotecnolochía son: explorar volcans, agafar información d'as misions espacials extraterrestres, simular a vida y o comportamiento d'insectos y atros animals, fer operacions elementals en ambients periglosos (radioactivos, submarins, corrosivos, ecetra), cusirar y activar alarmas en zonas de seguridat, catalizadors, desalinización de l'augua, etc.

E como futuras aplicacions: nuevos sensors ta la medecina, ta o control medioambiental, y ta la fabricación de productos quimicos y farmaceuticos, materials más liuchers ta las industrias d'aeronautica y de l'automobil, tecnolochías visuals que permitan millors pantallas (más liucheras y más flexibles), aparatos tan comuns como imprentadoras, reprodutors de CDs, airbags, ecetra.

Se veiga tamién[editar | editar código]

Vinclos externos[editar | editar código]