Nagasaki

	Nagasaki
	Localidat de Chapón
	; Anvista de Nagasaki.
Estau; • Rechión; • Prefeutura	Chapón; Kyūshū; Nagasaki
Superficie	406,35 km²
Población; • Total; • Densidat	; 404656 hab. (2021); 1.038 hab/km²
Codigo postal	850-0002–852-8154
Coordenadas	32°44’58’’N129°52’46’’E
	Nagasaki Nagasaki en Chapón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Nagasaki (長崎市, 'Nagasaki-shi', en chaponés) ye una ciudat chaponesa en a rechión de Kyūshū y prefectura de Nagasaki, (en ye a suya capital).

Nagasaki tien una superficie de 406,35 km², una población de 423.160 habitants (2005) y una densidat de población de 1.041,37 abs/km².

Ye tristament conoixita por que mientres a Segunda Guerra Mundial o 9 d'agosto de 1945 un bombardero estausunidense Boeing B-29 Superfortress d'a United States Army Air Forces lanzó una bomba atomica, dita Fat Man sobre a ciudat, en os bombardeyos atomicos sobre Hiroshima y Nagasaki.

Historia[editar | modificar o codigo]

Os suyos orichens[editar | modificar o codigo]

Os portugueses establioron a ciudat de Nagasaki en 1571 dimpués de plegar accidentalment un navilio d'ista nacionalidat a la redolada a meyatos d'o sieglo XVI. En 1549 bi plegó o misionero chesuíta Sant Francisco Xabier (naixito de Xabier, a man d'Aragón), que en 1551 partió ta China. Os suyos disciplos convirtioron a bels daimyō, como Sumitada Ōmura, que establió un puerto ta o comercio con Portugal, puerto que ye l'actual ciudat de Nagasaki.

Expulsión d'os portugueses[editar | modificar o codigo]

En 1587, o nuevo shogun, Hideyoshi Toyotomi, ordenó a expulsión d'os misioneros, y en 1596 crucificó a 26 cristianos chaponeses en Nagasaki. En 1614 o shogun Ieyasu Tokugawa prohibió o cristianismo en o país, redotando a os cristianos de Nagasaqui, que s'heban sublevato, con un exercito de 120.000 soldatos. En as persecucions, morioron os clamatos Diez y seis martirs de Nagasaki, canonizatos o 18 d'octubre de 1987.

A presencia neerlandesa[editar | modificar o codigo]

En 1641, ta mantener o comercio con Europa, o shogun concedió a os neerlandeses una isla artificial en a bahía de Nagasaki, Dejima, en a que yeran confinatos. Dica 1855, os solos contactos d'o Chapón con l'exterior estioron a traviés d'ista base.