Independentismo escocés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Localización d'Escocia en o Reino Uniu.

O independentismo escocés ye un movimiento politico escocés surchito en 1707 que quier a secesión d'Escocia d'o Reino Uniu y a suya transformación en un estato independient.

Ideolochía

As demandas d'os escoceses por a independencia se basan en a ideya de que Escocia, como una nación con una cultura y identitat diferents a la anglesa, puede separar-se d'o Reino Uniu y tornar a estar independient como enantes de 1707.

A luita por l'autogobierno

Dende meyatos d'o sieglo XIX apareixió un movimiento por l'autogobierno que buscaba la devolución d'o control sobre os afers escoceses ta Escocia, pero o refirme a la independencia no plegará dica os anyos vint d'o sieglo XX.

A demanda d'a creyación d'una Asamblea Escocesa fue iniciata en 1853 por un organismo cercano a o Partiu Conservador y pronto recibió tamién o refirme d'o Partiu Liberal, pero no fue considerato bella cosa prioritaria, y cuan a propuesta d'autogobierno escocesa fue presentata a o Parlamento de Westminster en 1913, o suyo tramite fue interrumpito por a Primera Guerra Mundial. O nuevo Partiu Laborista compartió a postura d'o Partiu Liberal respecto a l'autogobierno, pero teneban atras prioridaz y a suya politica cambeó en as eleccions chenerals d'o Reino Uniu de 1945. En 1974 a politica laborista tornó a refirmar l'autogubierno escocés, subchecto a referéndum.

Dende 1934, o nacionalismo escocés se troba mas que mas representato por o Scottish National Party, qui tenió o suyo primer representant en a Cambra d'o Comuns d'o Parlamento britanico en 1967, y en as eleccions de marzo de 2007 ganó por primera vegata (con mayoría simpla as eleccions a o Parlamento d'Escocia, ganando por mayoría absoluta en as eleccions d'o 5 de mayo de 2011, a primera vegata que un partiu plega a tener una mayoría absoluta en o Parlamento.