Nacionalidatz d'Espanya

De Biquipedia
Ir ta: navego, busca
O mapa amuestra en royo las comunidatz autonomas que os Estatutos correspondients definen como nacionalidatz. As altras comunidatz son consideratas rechions dende o punto de vista constitucional, fueras de Navarra, que ye definita como Comunidat Foral.

Nacionalidat historica [1]u, simplament, nacionalidat [2] son termins politicos que s'ha venito emplegando a Espanya dende a reinstauración democratica d'o Estato ta referir-se a ixas comunidatz autonomas que tienen un sentimiento nacional u de fortal identidat colectiva, lingüistica u cultural, quan per a historia quan per un sentimiento cheneralizato entre a ciudadanía d'a comunidat. Altros termins a ixa fin concebitos en propuestas mientres a VIII lechislatura son estatos realidat nacional[3] y carácter nacional.[4]

Es termins tienen una difícil interpretación legal. En a vichent Constitución espanyola de 1978 se fa servir a expresión: «as nacionalidatz y rechions que entegran [...] a nación espanyola». O termin «nacionalidat» pareix que s'emplega ta no equiparar as comunidatz con a «nación», vocable reservato ta Espanya (seguntes bells churistas exclusivament y seguntes uns altros no). A mayoría d'os ponents d'a Constitución interpretó, en o curso d'o debate que se'n fació en o Congreso d'os Deputatos, que o concepto constitucional «nacionalidat» ye sinonimo de «nación».

A Constitución de 1978 reconoix a existencia de nacionalidatz y rechions, y lis atorga l'autonomía sin establir diferiencias administrativas entre ellas:

«A Constitución s'alazeta en a indisoluble unidat d'a Nación espanyola, patria comuna y indivisible de totz es espanyols, y reconoix y guarencía lo dreito ta l'autonomía d'as nacionalidatz y rechions que la entegran y a solidaridat entre totas ellas.» (Constitución Espanyola de 1978)

Un altro caso reconoixito en a Constitución ye o d'as rechions diferenciatas historicament a lo mesmo nivel que as ditas nacionalidatz. Ye o que se desvién con Navarra, que poseye un grau más gran d'autonomía que no as altras comunidatz autonomas, en virtut d'os dreitos historicos reconoixitos a los territorios forals a la disposición adicional primera d'a Constitución.

Actualment, as comunidatz autonomas reconoixitas como «nacionalidatz» en os suyos estatutos son:

  • Andalucía (1981 y 2007) - nacionalidat historica
  • Aragón (1996 y 2007) - nacionalidat historica
  • Canarias (1996) - nacionalidat
  • Catalunya (1979 y 2006) - nacionalidat; (en o preámbol) nación, realidat nacional
  • Comunidat Valenciana (1982 e 2006) - nacionalidat; nacionalidat historica
  • Galicia (1981) - nacionalidat historica
  • País Vasco (1979) - nacionalidat

Referencias[editar | editar código]

  1. Estatuto d'Autonomía d'Aragón (reformato en 2007) ([1] PDF).
    Estatuto d'Autonomía d'a Comunidat Valenciana (reformato en 2006, edición d'as Cortz Valencianas) ([2] PDF).
    Reforma d'o Estatuto d'Autonomía d'as Islas Balears ([3]).
  2. Estatuto d'Autonomía d'Andalucía de 1981 ([4])
    Estatuto d'Autonomía de Catalunya de 2006 ([5]), Reforma d'o
    Estatuto d'as Islas Canarias ([6])
  3. Reforma d'Estatuto d'Autonomía de Andalucía, Congreso d'os Deputatos ([7] PDF)
  4. "Alcuerdo sobre criterios ta un Estatuto [d'autonomía de Galicia] de totz", sinyato per o Partito Socialista de Galicia y o Bloque Nacionalista Galego ([8])