Museu Nacional d'o Prado

De Biquipedia
Ir ta: navego, busca
Anvista cheneral d'o Museu d'o Prado.

O Museu Nacional d'o Prado, en Madrit, Espanya, ye un d'os mas importants d'o mundo, asinas como un d'os mas visitaus (l'onceno en 2010).

Singularment rico en quadros de mayestros europeus d'os sieglos XVI a o XIX, o suyo prencipal atractivo ye en l'amplia presencia de Velázquez, El Greco, Goya (l'artista mas extensament representau en a colección), Tiziano, Rubens y O Bosco, d'el qual poseye as millors y mas extensas coleccions que existen a ran mundial, a o que cal sumar destacaus conchuntos d'autors tant importants como Murillo, Ribera, Zurbarán, Rafael, Veronese, Tintoretto u Van Dyck, por citar solament beluns d'os mas relevants.

Por cronicas limitacions d'espacio, o museu exhibía una selección d'obras de maxima calidat (unas 900), por la qual cosa yera definiu como «a mayor concentración d'obras mayestras por metro quadrau». Con l'ampliación de Rafael Moneo, se preveyó que a selección exposada creixería en un 50%, con unas 450 obras mas. En chulio de 2011, muit abanzada a reorganización de las salas, a exhibición permanent ha sumau unas 300 obras, por la qual cosa o total exposau plega a 1.150, d'un inventario de mas de 8.600. Amás d'as pinturas, o Prado poseye arredol de 950 esculturas, 6.400 dibuixos, 2.400 gravaus, 800 obchectos d'artes decorativas, 900 monedas y 800 medallas.