Muntenia

De Biquipedia
Ir ta: navego, busca
Mapa de Romanía senyalando Muntenia dentro de Ţara Românească.

Muntenia ye una rechión historica d'o sud de Rumanía. As suyas mugas son: a lo norte os monts Carpatos (que la deseparan de Transilvania), a l'este o río Olt, (que la desepara d'Oltenia), a lo sud o Danubio, que la desepara de Bulgaria y Dobrucha), y a lo noreste os ríos Milcov, Putna y Siret (més allá d'os quals se troba Moldavia).

Comprende os actuals județe ("chuzgatos", "provincias") y unidatz administrativas de: Argeș, Brăila, Buzău, Călăraşi, Dâmbovița, Giurgiu, Ialomița, Ilfov, Prahova, Teleorman (sin a comuna Islaz), o municipio București. Igualment, os segmentos situatos a l'este d'o río Olt d'os județe de Vâlcea y Olt, d'a mesma traza que o sud d'o județ de Vrancea (a lo sud de Milcov) fa part d'a rechión historica de Muntenia.

As més importants ciudatz d'esta rechión son: București (capital de Rumanía), Alexandria, Brăila, Buzău, Călărași, Giurgiu, Pitești, Ploiești, Slatina, Slobozia y Târgoviște.

As principals corrients d'augua que trescruzan esta rechión son o río Danubio a l'egual que os afluents suyos por a marguin ezquierda: Olt, Río VedeaVedea, Argeș, Călmățui (en Brăila) y atro Călmățui (en Teleorman), Ialomița y Siret.