Mundir I

De Biquipedia
Ir ta: navego, busca
Mundir I
منذر المنصور
Rei d'a Taifa de Saraqusta

1018 - 1021 u 1022
Predecesor Gubierno emiral
Succesor Yahya al-Muzaffar

Naixencia  ?
Muerte 1021 u 1022

Mundir ibn Yahyá al-Tuchibí (muerto en 1021 u 1022) estió rei d'a taifa de Saraqusta entre 1018 y 1021 u 1022 perteneixient a lo linache d'os tuyibís.

Biografía[editar | editar código]

Ganó prestichio luitando en os exercitos d'Almanzor, lo que le valió posteriorment obtener o cargo de gubernador de Tudela (cabeza de districto d'a Marca Superior) en 1005. Participó en as luitas civils escayeixitas en Cordoba dezaga d'o primer estronamiento en 1009 de Hisham II.

Más tardi obtenió lo gubierno como emir de Saraqusta, que le dió en 1013 o califa Sulaiman al-Mustain. Con o deterioro d'o poder central en Al-Andalus, se declaró independient, prencipiando asinas a epoca d'o reino independient de Saraqusta en 1018, anyo en que cudió as suyas primeras monedas como rei taifa. Prencipió un periodo de millora d'obras publicas, con a enamplación d'a mezquita alchama de Saraqusta. Antimás ta dar una mayor imachen de cultura a la suya cort, trayió poetas prestichioso como Ibn Darray.

Respective a la politica exterior, mientres d'o suyo reinato fue fustigato quasi de contino por Sancho lo Gran de Pamplona. Ta mirar de contrarrestar-lo achustó lo matrimonio entre Berenguer Remón I de Barcelona y Sancha, filla de Sancho García de Castiella en 1021, y d'ista traza consiguió l'alianza d'istos dos condatos cristians ta enfrentar-se a Sancho lo Gran.

Fuents[editar | editar código]

  • CERVERA FRAS, M ª José, El reino de Saraqusta, Zaragoza, CAI, 1999. ISBN 8488305931
  • CORRAL, José Luis, Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 8480691557
  • MONTANER FRUTOS, Alberto, "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 8486794978
  • VIGUERA MOLINS, Mª Jesús, Aragón musulmán, Zaragoza, Mira editores, 1988. ISBN 8486778069
  • VIGUERA MOLINS, Mª Jesús, El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 8488305273

Vinclos externos[editar | editar código]

  • Mundir I, en a Gran Enciclopedia Aragonesa.


Predecesor:
Gubierno emiral
Mundir I
Rei taifa de Saraqusta

1018- 1021 u 1022
Succesor:
Yahya al-Muzaffar