Morlans

Morlans Morlaàs
Localidat de Francia
Ilesia de Morlans
Estato	Francia
• Rechión	Aquitania
• Departam.	Pireneus Atlanticos
• Destrito	Destrito de Pau
• Cantón	Cantón de Morlans (capital)
Mancomunidat	Mancomunidat des Luy-Gabas-Souye et Lées
Alcalde	André Périsser  (2001-2008)
Superficie	13,15 km²
Población  • Total  • Densidat	(1999) 3.658 hab. 278,17 hab./km²
Altaria  • Meyana  • Maxima  • Minima	295 m 349 m 233 m
Codigo INSEE Codigo postal	64405 64160
Coordenatas	43°20’43’’N 0°15’39’’U
Situación en Francia

Morlans (en occitán gascón Morlans, prenunciato /mur'lans/; en francés Morlaàs) ye una comuna biarnesa situata en o departamento d'os Pireneus Atlanticos, en a rechión d'Aquitania. Se troba situata a una distancia de 12 kilometros de Pau.

En 1999 teneba una población de 3.658 habitants, con una densidat de población de 235 hab/km². As suyas tierras son banyatas por o Luy de Bearn y o Luy de France, afluents d'o río Luy.

Historia

Morlans estió a capital d'o vizcondato de Biarn mientres os sieglos XI y XII, dimpués d'a destrucción de Lescar en o sieglo IX en mans d'os normandos. D'ista epoca data a ilesia de Santa Fe de Morlans, iniciata en 1080 por o vizconte Céntol V de Biarn. Ye un important molimento d'estilo romanico d'o qualo hue s'alza la frontera, y tien relación con o conchunto d'ilesias romanicas d'Uncastiello, en as Cinco Villas d'Aragón.

Toponimia

En aragonés se diz Morlans como se vei en textos como a Cronica de los Conquiridores:

et trobaron alli el exercitu de los Burgunyenos qui depues que avien partido de Roncesvalles avien passado por Morlans e por Tolosa.

En Zaragoza un linache d'orichen occitán dió nombre a la Casa de los Morlans, por o suyo apellito.

Demografía

Datos de población

1856 1861 1866 1872 1876 1881 1886 1891 1896 - - - - - - - - 1.440

1901 1906 1911 1921 1926 1931 1936 1946 1954 1.467 - - - 1.270 - 1.223 - 1.326

1962 1968 1975 1982 1990 1999 2008 - - - 1.329 1.478 1.913 2.411 3.094 3.658 - - - - Ta os censos dende 1962 dica 1999, a población legal corresponde a la población sin duplicidatz seguntes define l'INSEE.

Vinclos externos

• Se veigan as imáchens de Commons sobre Morlans.