Moriello de Sant Pietro

De Biquipedia
(Reendrezato dende Moriello de Sampietro)
Ir ta: navego, busca
Iste articlo trata sobre Moriello de San Pietro. Ta atros emplegos d'o toponimo Moriello se veiga Moriello (desambigación).

Bariedaz dialeutals de l'Aragonés Ista fuella ye escrita en sobrarbés.

Moriello de Sant Pietro
Localidat d'Aragón
Lugar de Moriello de San Pietro
Lugar de Moriello de San Pietro, Antigo municipio, estió adhibiu ta Boltanya quan quedó abandonau.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
Boltanya
Población
 • Total

1 hab. (2005)
Altaria 984 m.
Distancia
 • 8 km
 • 12 km
 • 104 km

enta Boltanya
enta l'Aínsa
enta Uesca
Codigo postal 22340
Parroquial
 • Diocesi
 •Arciprestato

Balbastro-Monzón
Sobrarbe

(Morillo de San Pietro, Murillo de San Pedro, u Morillo de San Pedro a castellán) ye un nuclio antigo y isolau en a boca d'a Val de Vio. L'acceso ye prou complicau, sin carretera, nomás se i puede plegar por bella pista forestal crebada en bellas partes por escorrenteras d'augua, con trazo dificil, mesmo ta os tot terrenos.

O nuclio ye fincau a l'alto d'un cinglo calsinoso, de grande espectacularidat, a'l canto de l'obago d'a Sarra de Sant Visorio, y quasi embolicau de bosques de pín royo y caixicos. O riu Yesa trestalla la val, deixando la carretera d'Anyisclo a o costau oposau, fendo vía ta Fiscal y Vio dica Escalona remaneixe Moriello tasament veyible.

A chents d'as redoladas charran que lo lugar plego a tener mas de bell centenar d'habitants, repartius en a escasa vintena de casas d'o lugar, en a suya buena epoca. Alavez a economía yera basada en a fusta y a ganadería ovina. D'ista epoca (sieglos XVII enta o XIX) ye datada a enamplación d'a ilesia parroquial d'o Sieglo XI, que hue ha estau eliminada, quan a suya zaguera restauración en l'anyo 2002, en favor d'a presentación d'una chicolona capiella muito mas fidel a os suyos orichens medievals.

Toponimia[editar | editar código]

S'escribiba sin l'apelativo San Pietro dica 1646.

Ilesia[editar | editar código]

A ilesia parroquial ye modesta y chicolona, con formas clarament romanicas. En o suyo interior, acubilla bells frescos romanicos que encluyen un pantocrator, que tristament ye hue feto trazas, y bells motivos relichiosos y socials d'a epoca. Se i pueden destacar bells escudos d'o Signum Nostri d'Aragón, con 3 barras.

L'antiga ilesia de Moriello de San Pietro, medieval romanica. Una d'as más antigas de Sobrarbe.
L'interior d'a nau d'a ilesia, huei vueda de cadieras.
Escutos con Signum Nostri de tres barras, d'antiguidat no determinada, en os frescos d'a ilesia


Lugars d'o municipio de Boltanya
L'Aligar | Alastrué | Ascaso | Bibán | Boltanya | Campodarbe | Casa bco. St. Martín | Espierlo | Sant Fertús | Luparuelo | Malgurguet | Santa María d'Ascaso | Sant Martín de la Valle | Matidero | Mesón d'Albars | Mesón d'o Barranco Fondo | Mesón de Fuevola | Mesón d'o Piojo | Miz | Montalbán | Morcat | Moriello de Sant Pietro | Sant Pietro | Puimorcat | Seso | Sieste | Silves | Torrulluela de la Plana | Torrulluela de lo Vico | La Valle | Sant Velián