Monument Valley

De Biquipedia
Ir ta: navego, busca

A Monument Valley (Val d'os Monumentos, en anglés), anomenata tamién Tsé Bii' Ndzisgaii (Val d'as rocas, en idioma navajo), ye una gran val localizata en a muga d'os estatos d'Utah y Arizona. Ista val fa parti d'a Reserva d'a Nación Navajo y ye catalogata como Parque Natural.

Bi ha un modelau estructural caracteristico de muelas que representan pueyos testimonio y que reciben a denominación de mesas amprau d'o castellán.

A espectacularidat d'os suyos paisaches ha feito que dende os anyos 1920 se i haigan filmau quantas cintas, asobén relacionatas con o chenero d'o western, destacando-ne-ie o director John Ford, que mesmo plega a tener un espacio adedicato en o interior d'o parque. Entre las cintas d'iste director se podeban destacar Stagecoach (1939); My Darling Clemetine (1946); Fort Apache (1948); Wagon Master (1949); Rio Grande (1950); The Searchers (1956); y Sergenat Routledge (1960).[1]

D'atros directors Tasa, son of Cochise (1953) de Douglas Sirk; Warlock (1958) d'Edward Dmytryk; The Greatest Story Ever Told (1963) de George Stevens; The Comancheros (1961) de George Sherman; Rio Conchos (1964) de Gordon Douglas; y Thelma and Louise ( 1989), de Ridley Scott.

Anvista panoramica de Monument Valley con as tipicas muelas u mesas.

Vinclos externos[editar | editar código]

Referencias[editar | editar código]

  1. (en) Stanton, Bette L. "Where God put the West". Movie Making in the Desert. ISBN 0-944123-02-3