Moneghetti

Moneghetti
Vico de Múnegu
Moneghetti en Múnegu
Entidat  • Estato  • País	Vico Múnegu Occitania
Superficie  • Total	0,1 km²
Población  • Total	3.003 hab.
Numero	09

Moneghetti u Moneghetti e Baloard de Belgica (en francés, Moneghetti/Bd de Belgique) ye un d'os once vicos de Múnegu, situato en l'antiga comuna de la Condamina.

Ye considerato como un d'os vicos residencials mas tranquilos, chunto con La Condamina, encara que bi ha a-saber-las botigas y comercios.

Demografía

Moneghetti

Iste vico ye o quatreno mas chicot de Múnegu en termins de población, y o segundo mas chicot en termins de superficie.

Tien una población de 3.003 habitants y una superficie de 0,10 km².

Múnegu tien un total de diez escuelas publicas, quatre escuelas privatas, y una universidat. Dos escuelas publicas y un campus d'a universidat se troban situatos en iste vico .

Situación

Moneghetti se troba en a parti norte central d'o país, chunto a la muga con Francia. Muga con a comuna francesa de Bèusoleu y con os vicos munegascos de Fòntvièlha, Ciudat de Múnegu, La Condamina, Sant Miquel, La Còla y Las Reveras.

Torismo

Gara de Múnegu

Moneghetti chuega un papel esencial en a industria d'o torismo en oe prencipato, con mas de 50 hotels localizatos astí, encara que muitos d'istos hotels tienen nomás entre 15 y 20 cambras.

Caracteristicas

O vico ye conoixito por a suya pendient, ya que se situa chusto en o puesto a on os Alpes baixan dreitament enta a Mediterrania.

A ilesia parroquial ye adedicata a o Sagrato Corazón, y ye amás a seu de l'Asociación de Scouts y Guidas de Múnegu (Association des Guides et Scouts de Monaco).

A sola gara de Múnegu (Gara de Múnegu Monte-Carlu) se troba situata en iste destrito administrativo.

Tanto a policía como a Compagnie des Carabiniers du Prince tienen comisarías en Moneghetti.