Molimentos Naturals d'o Puent de Fontseca y as Cuevas de Cristal de Molins
| Puent de Fontseca y Cuevas de Cristal de Molins |
|
 Cuevas de Cristal de Molins |
|
|
|
|
| Tipo | Molimento Natural |
| Establito | 2006 |
| Superficie | 125,94 ha (Molins) 248,54 ha (Fontseca) |
|
|
|
| Situación |  Mayestrato (Teruel) |
| Latitut | |
| Lonchitut | |
|
|
|
 |
|
O Molimentos Naturals d'o Puent de Fontseca y as Cuevas de Cristal de Molins u tamién ditos en conchunto Molimentos Naturals d'o Mayestrato son dos molimentos naturals d'Aragón que fan parti d'o rete d'espacios naturals protechitos.
En l'año 2006 s'apreba la creyación d'istos molimentos naturals situatos en os termins municipals de Molins y Castellot, os dos en o Mayestrato terolano.
As Cuevas de Cristal de Molins son un complexo rete de galerías creyatas naturalment sobre a calsinera d'ista aria karstica. Istas espelungas apareixen con o paso d'os milenios en excavar l'augua sotarranya sobre a roca. Amás d'as galerias bi ha una ripa d'estalactitas, estalagmitas y columnas asabelo politas. A conexión d'as galerías sotarranyas con o exterior se fa a traviés d'as cuevas d'as Graderas y de Baticambras.
D'entre os animals que habitan istas cuevas bi ha una important colonia d'afogacandils. Amás se i troboron as restas más antigas d'un hominido en Aragón, o dito Hombre de Molins.
O Molimento Natural d'o Puent de Fonseca ye tamién un aria karstica formata por l'acción d'o río Guadalop. Destaca o Puent de Fontseca, una formación en forma de túnel feita naturalment por l'augua con presencia de tova travertinica.
Entre as especies naturals se i troban plantas hidrofilas, debito a lo microclima humido. Arredol d'o río viven alicas, vueitres, esparvers y tamién crabas salvachinas
[editar] Atras feguras de protección
Coinciden en parti con o Molimento Natural atras feguras de protección:
- Parque Cultural d'el Mayestrato
- L.I.C. Cuevas de Baticambras
- Z.E.P.A. Río Guadalope – Mayestrato.
| Espacios naturals protechitos d'Aragón |  |
|---|---|
| Cheleras Pirenencas | Foces de Fago y Biniés | Galachos de l'Ebro | Lacuna de Gallocanta | Lacuna de Sarinyena | Lomaza de Belchit | Mayestrato | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinetas de Rodeno | Pocetz-Maladeta | Saladas de Chiprana | Sant Chuan d'a Penya | Sierra y Foces de Guara | El Val | Vals Occidentals |
