Molimento Natural d'as Cheleras Pirenencas
| Cheleras Pirenencas | |
 Chelera de l'Aneto |
|
|
|
|
| Tipo | Molimento Natural |
| Establito | 1990 |
| Superficie | 3.190 ha |
|
|
|
| Situación |  Alto Galligo, Sobrarbey Ribagorza (Uesca) |
| Latitut | |
| Lonchitut | |
|
|
|
 1. Macizo d'os Moros; 2. Macizo d'Infierno; 3. Macizo d'a Comachibosa; 4. As Tres Serols; 5. La Munia; 6. Lardana; 7. Perdiguero; 8. Maladeta-Aneto |
|
O Molimento Natural d'as Cheleras Pirenencas ye un molimento natural d'Aragón que fa parti d'o rete d'espacios naturals protechitos.
O molimento natural se declara en l'anyo 1990 ta protecher as cheleras pirenencas y s'enampla en l'anyo 2002 dica las actuals 3.190 ha. d'amplaria y as 12.897 ha. incluyindo a Zona Periferica de Protección.
Se troba entre os 2700 y os 3000 metros d'altaria en os siguients macizos:
- Macizo d'os Moros (Sallent de Galligo)
- Macizo d'Infierno (Pandicosa y Sallent de Galligo)
- Macizo d'a Comachibosa (Torla)
- La Munia (Bielsa)
- Tuca Lardana (Sant Chuan de Plan, Sagún y Benás)
- Tuca Perdiguero (Benás)
- Maladeta-Aneto (Benás y Montanui)
- Mont Perdito (Bielsa y Fanlo)
Se i pueden trobar amás d'os grans volumens de chelo, atras morfolochías singulars d'as cheleras como as morrenas, os ibons y as bacías. Belunas d'estas cheleras conoixioron una expansión mientres la chicota edat de chelo[1], pero actualment son en proceso de desaparición total.
O clima extremo fa que no sían muitas as especies animals y vechetals que se troban en istas cheleras, nomás bells sarrios y perdices nivals y tamién o guardafuents pirenenco (Calotriton asper), especie endemica d'istas tucas.
[editar] Atras feguras de protección
Coinciden en parti con o Molimento Natural atras feguras de protección:
- Parque Natural de Pocetz-Maladeta
- Parque Nacional d'Ordesa y d'as Tres Serols
- Z.E.P.A. Pocetz-Maladeta
- L.I.C. Capecera d'o Río Aguas Limpias
- L.I.C. Alta Cinca, Ordesa-Comachibosa
- L.I.C. Buxaruelo y Foz d'os Navarros
- L.I.C. Pocetz-Maladeta
- L.I.C. Puertos de Pandicosa, Bramatuero y Brazato
- L.I.C. Alta Val d'a Cinca
- Reserva d'a Biosfera Ordesa-Comachibosa
| Espacios naturals protechitos d'Aragón |  |
|---|---|
| Cheleras Pirenencas | Foces de Fago y Biniés | Galachos de l'Ebro | Lacuna de Gallocanta | Lacuna de Sarinyena | Lomaza de Belchit | Mayestrato | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinetas de Rodeno | Pocetz-Maladeta | Saladas de Chiprana | Sant Chuan d'a Penya | Sierra y Foces de Guara | El Val | Vals Occidentals |
[editar] Referencias
- ↑ Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001.
