Moisen

De Biquipedia
Ir ta: navego, busca
Articlo d'os 1000
Moisen de Miguel Ánchel.

Moisen u Moises (en hebreu מֹשֶׁה Móše, en arabe موسى Musa), fillo d'Amram y Joquebed, estió un presonache biblico que, seguntes o libro d'o Exodo, liberó a lo pueblo chodigo d'a opresión a la que yera chusmeso por Echipto. Dió seguntes o mesmo relato a tabla d'as leis de Dios a lo suyo pueblo. A suya historia se sitúa entre o sieglo XVIII aC y o sieglo XIII aC.

A suya biografía seguntes a Biblia[editar | editar código]

Naixencia y salvación d'as auguas d'o Nilo[editar | editar código]

Seguntes diz a Biblia, Moisés era fillo d'Amram y Joquebed, una muller chodiga que perteneixeba a la tribu de Leví. Quan Moisen naixió, o faraón echipcián heba promulgato un edicto seguntes o qual teneba que fer-se una mortalera con totz os ninos chodigos. Asinas, quan Moisen teneba tres meses, en veyendo que no podeban amagar-lo más, a suya mai decidió meter-lo en una cesta y dixar-lo confiato a las auguas d'o río Nilo.

A chirmana de Moisen, Miriam, cosiraba a cesta dende a marguin d'o río, y veyó que, mientres se banyaba en o río, a filla d'o faraón heba escuitato plorar a Moisés. A filla d'o faraón decidió adoptar a Moisen como a lo suyo fillo.

Moisen con o pueblo d'Israel

Dimpués, Miriam, a chirmana de Moisés, fue a la filla d'o faraón y se li ofrió ta portar a o nino a una muller chodiga ta que tetase. Asinas, Moisés tornó a la suya autentica mai, que estió qui en fació a suya educación dica que Moisés creixió y tornó a o palacio d'o faraón. Alavez estió quan a filla d'o faraón en fació l'adopción formal, y lo batizó como Moisen, que significa sortito d'as auguas. Asinas, Moisen dentró a fer parte d'a familia reyal echipciana, y s'educó como un principe de l'Antigo Echipto.

Exilio en Madian[editar | editar código]

Seguntes o Exodo, Moisen yera en unas obras que feban unos chodigos, que yeran chusmesos a los echipcians, quan veyó que un echipcián maltrataba a un chodigo. Yera un lugar disierto, y Moisen mató a l'echipcián y apedecó o suyo cuerpo baixo l'arena. Dimpués, bells chodigos li conoixioron y deciban que yera un echipcián que heba muerto a unatro echipcián ta esfender a un chodigo. Moisen se xorrontó y albandonó Echipto ta no ser acusato por a Chusticia echipciana.

Moisen plegó a un pozo d'os madianitas, a on esfendió a dos mocetas que discutiban con uns pastors. Dimpués d'a suya aduya, o pai d'as chicotas, o sacerdot Chetro combidó a Moisen a la suya casa, y li donó por esposa a suya filla mayor, Sipora, con qui Moisen tenió a lo suyo fillo Gerson.

Muitas anyadas dimpués, quan Moisen teneba 80 anyos y feba de pastor con as uellas d'o suyo suegro, veyó una esbarcera que cremaba sin consumir-se. Escuitó una voz que li deciba: Yo soy o Dios d'o tuyo pai, o Dios d'Abraham, o Dios d'Isaac y o Dios de Chacob. Luego, Dios li acomandó a misión de liberar a los chodigos d'as mans d'o faraón y d'os echipcians.

Moisen torna a Echipto[editar | editar código]

Moisen parlando con o faraón

Moisen en fuents aragonesas[editar | editar código]

En o "Liber Regum" dicen:

Tornóse Ioseph con sos ermanos en Egipto & ouo en poder la tierra del rei Pharaon. Visco Iosep C.X annos e murie en Egipto e pusiéronlo en una tauth de fierro, et estido hi tro que exieron los fillos de Israel de Egipto y leuoronlo e soterroronlo en Sichem, assi como el les auia pregado. Desque murie Iosep romasieron los fillos de Israel en cativo & en seruitut, et estidieron en Egipto CC.X annos tro que los entrasco Moysen por uoluntat del Criador nostro sennor por mano de Moysen .
Regno Ezechias en Iudea s en Iherusalem XX.IX annos, e fo buen rei e dreiturero [Fol. 28 v.] e crebanto todas las ydolas. Est crebanto la serpiente d aramne que fizo Moysen en el desert, que encara la tienen los fillos d Israel a grant honor.

En o "Libro del Trasoro" lo nombran como Moysen u como Moyses y dicen:

Moysen fue el primero a qui Dios dio la ley e el la dio a los...
La ora fizo el uenjr su padre e sus hermanos, que depués fincaron en Egipto entro al tiempo de Moysen, segunt que el conto...

Tamién se troba en os fueros d'Aragón, versión romanceyata contenita en o manuscrito 207 d'a Biblioteca Universitaria de Zaragoza:

La ley de Moysen et los diez mandamientos

Y en os Pergaminos aragoneses d'o Fondo Sastago (d'o sieglo XV).

Vinclos externos[editar | editar código]