Mitolochía galesa

De Biquipedia
Ir ta: navego, busca

A mitolochía galesa son huei os repuis de l'antiga mitolochía pre-cristiana d'os antigos britonicos, s'ha conservato prou alterata dica os nuestros días gracias a bells manuscritos medievals galeses como lo Libro Royo de Hergest, u Libro Blanco de Rhydderch u os libros d'Aneirin y de Taliesin.

Os cuentos en prosa d'os libros Blanco y Royo son conoixitas como los Mabinogion, títol dato por a suya primera traductora, Lady Charlotte Guest, y emplegato dimpués por os siguients traductors. Poemas como lo Cad Goddeu (u tamién dito A Batalla d'os Arbols) y as Triadas d'a Isla de Bretanya (en galés Trioedd Ynys Prydein) tamién contienen asabelo material mitolochico.

Atras fuents son Historia Britorum, una compilación historica d'o sieglo IX en latín y Historia Regum Britanniae, escrita por Godofré de Monmouth en o sieglo XII. Tamién o folklore tardano replecato por W. Jenkyn Thomas (1908) en The Welsh Fairy Book.

As quatro brancas d'o Mabinogi[editar | editar código]

As historias con más contenito mitolochico d'a colección de Mabinogion se dicen en conchunto As quatro brancas d'o Mabinogi. O filo argumental en as quatro brancas ye a vida de l'heroi Pryderi. Ye concebito, Ye naixito y li se posa nombre en a primera branca, luita por Bran Vendigeit en a segunda, pierde y recupera o suyo reino en a tercera, pero as mencions en a segunda y a quarta son anecdoticas, car se centran más en os fillos de Llyr y os fillos de Dôn, dos clans de presonaches que se remontan a antigos dioses celtas.

Pwyll, Prencipe de Dyfed[editar | editar código]

A primera branca recenta como Pwyll, o principe de Dyfed, cambea o suyo lugar por una anyata con Arawn, o sobirán de Annwn (o inframundo), derrota a Hafgan, o enemigo de Arawn, y dimpués troba a Rhiannon, una dama polita que tien una yeugua que no puet estar alcanzata. El consigue a suya man en contra Gwawl, a qui Rhiannon yera promesa, y li da un fillo, pero o nino desapareixe poco dimpués d'a naixetura. Rhiannon ye acusata de matar-lo y ye castigata a levar invitatos en a suya espalda como castigo. Un monstruo agafó o nino y serán Teyrnon y a suya muller qui lo rescatarán y lo criarán como suyo, dicindo-li Gwri pelo dorato, dica que o pareixito con Pwyll esdevién claro. Lo tornan a os suyos padres de verdat, a Rhiannon li quitan o castigo y a mesache li posan de nombre Pryderi.

Branwen, filla de Llyr[editar | editar código]

En a segunda branca, Branwen, chirmana de Bran Vendigeit, rei de Britania, ye oferita pa casar-se con Matholwch, rei d'Irlanda. O meyo chirmán de Branwen Efnisien insulta a Matholwch mutilando os suyos caballos, pero Bran Vendigeit li da nuevos caballos y trasoros, incluito o caldero machico que puet tornar a vida a os muertos, en compensación. Matholwch y Branwen tienen un fillo, Gwern, pero Matholwch contina maltratando-la, pegando-li y fendo-ne una esclava. Branwen adiestra un paixaro pa ninviar-li un mensache a Bran Vendigeit, que declarará a guerra a Matholwch. O suyo exercito cruza a mar d'Irlanda en naus, pero Bran Vendigeit ye tan gran que lo fa a piet. As naus no podeban pasar por o río Llinon y el mesmo fació de puent, dicindo: que aquel que siga chefe faiga de puent. Os irlandeses ofreixen a paz y costruyen una casa prou gran pa recibir a Bran, pero drentro penchan un centenar de 100 sacos. Li dicen a Efnisien que yeran sacos de farina, pero en realidat i yeran guerrers armatos. Efnisien aprieta os sacos y mata a toz os 200 guerrers menos menos a un. Dimpués en o banquet, Efnisien tira a Gwern a o fuego y luitando fuye. Esto creya confusión y comenzó a batalla entre os dos exercitos. Os irlandeses emplegan o caldero pa resucitar a os suyos muertos. Efnisien s'amaga entre os cuerpos y fa esclatar o caldero, morindo. Nomás que siet hombres, totz galeses, sobreviven a la batalla, incluindo Pryderi, Manawyddan y Bran Bendigeit, que ye ferito de muerte por una lanza enverenata. Bran demanda a os companyers que li tallen a capeza y que la tornen a Britania. Branwen muere de pena tornando a o suyo país. Cinco mullers prenyatas sobreviven y repueblan Irlanda.

Manawyddan, fillo de Llyr[editar | editar código]

Pryderi y Manawyddan tornan ta Dyfed, on Pryderi se casa con Cigfa y Manawyddan con Rhiannon. Manimenos una boira baixa a ran de tierra dixando-lo tot bueito y desolato. Os quatro aguantan cazando a o principio. Alavez se'n van ta Anglaterra on se ganan a vida fendo siellas, escutos y zapatos de tanta qualidat que os artesans no i pueden competir, y los fan fuera de qualsiquier lugar on vaigan. Tornan ta Dyfed y se tornan a fer cazataires. Mientres cazan un chabalín blanco los leba ta un castiello misterioso. Pryderi i entra no fendo caso a o consello de Manawyddan. Rhiannon i entra pa investigar y lo troba con as mans apegatas a una copa y sin poder fablar. Ella agafa a copa, li se pegan os pietz a las richuelas y le pasa lo mesmo que a Pryderi. O castiello desapareixe con ellos drentro. Manawyddan y Cigfa tornan ta Anglaterra como zapaters, pero atra vegata os zapaters locals los fan fuera y se'n tornan ta Dyfed. Ellos veyen tres campos de trigo, pero o primero ye malmeso antes d'a collita. A l'atra nueit o segundo tamién. Manawyddan cusira o tercero y vei que a culpa ye d'os xoriguetz. Agafa a o capitoste d'os xoriguetz y decide penchar-lo. Un escolán, un mosen y un bispe li ofreixen regalos a cambeo d'a vida d'o xoriguet, pero Manawyddan no acepta. Li preguntan que que quiere a cambeo d'a vida d'o xoriguet y diz que quiere que li retornen a Prydery, Rhiannon y que Dyfed dixe d'estar maldato. O bispe diz que ye d'alcuerdo, porque o xoriguet ye en realidat a suya muller y que el yera fendo una guerra machica contra Dyfed porque ye amigo de Gwawl, a qui Pwyll, o padre de Pridery heba humillato.

Math, fillo de Mathonwy[editar | editar código]

Mientres Pryderi gubierna Dyfed, en o sud de de Galas, Math ap Mathonwy gubierna en Gwynedd, o norte de Galas. Os pietz suyos han de descansar dencima d'as gambas d'una moza virchen, menos quan luita en a guerra. O sobrino de Math, Gilfaethwy ye enamorato de Goewin, a moza que aguanta os pietz. Gwydion, o chirmán de Gilfaethwy, enganya a Math pa que se'n vaiga a fer a guerra contra Pryderi, y asinas que Gilfaethwy pueda tener contacto con ella. Gwydion mata a Pryderi en un combat singular y Gilfaethwy fuerza a Goewin. Math se casa con Goewin y la salva d'a desonor. Castiga a Gwydion y Gilfaethwy transformando-los primero en cierbos, dica que paren un cerbato, dimpués en tocins dica que paren un litón, y a o remate en lupos, dica que paren, y a o tercer anyo tornan a forma humana y a casa.

Math necesita una nueva virchen que aguante os suyos pietz, y Gwydion li ofreixe a suya chirmana, Arianrhod. Math prueba con machia a suya virchinidat, no pasa a prueba y pare dos fillos. Arianrod tira a o primero, Dylan Eil Ton, a la mar, y se niega a reconoixer a o segundo. A o segundo lo cría Gwydion, pero Arianrhod li dice que nunca no tendrá ni nombre ni armas si ella no li'n da, y se niega a da-li-ne. Pero Gwydion la enganya pa que sin saber-lo li de nombre y li de armas: Llew Llaw Giffes. Alavez ella diz que nunca no tendrá muller de garra raza que viva en a tierra. Asinas Gwydion y Math fan una muller con flors, dito Blodeuwedd. Pero Blodewedd s'enamora de un cazataire dito Goronwy, y piensa en matar a Llew. Blodeuwedd enganya a Llew preguntando-li a sola manera como li-se puet matar, y dimpués dicindo-li-ne a Gronw, pero quan Gronw preba de matar-lo, Llew escapa trasformato en una alica.

Gwydion troba a Llew, lo torna a trasformar en ome, y castiga a Blodeuwedd trasformando-la en choliba. Grown ofreixe compensar a Llew pero Llew se niega y insiste en vengar-se. Gronw demanda amagar-se dezaga una roca quan el prebe de matar-lo y Llew acepta. Mata a Gronw con su lanza, chitata con tanta fuerza que forata a roca dezaga d'on s'amagaba Gronw.

Lludd y Llefelys[editar | editar código]

Atra historia mitolochica incluita en o a colección de Mabinogion ye o cuento de Lludd y Llefelys. Lludd ye rei de Britania, y o suyo chirmán, Llefelys, ye rei de Francia. O reino de Lludd ye acosato por tres amenazas: los Coraniaid, un pueblo de diaples que pueden sentir-lo tot; un chilo terrible que se siente totz os 1 de mayo y atemoriza a la población y a desaparición cutiana de provisions d'a cort reyal. Lludd demanda aduya a Llefelys charrando con él por un tubo de metal pa que os Corianiaid no puedan sentir-lo. Llefelys creya una pozón con insectos esclafatos en augua que acotola os Coraniaid quan les ne ruxia. O chilo, descubre que bien de dos dragons luitando. Los fa beber hidromiel y ya capins los fa cremar en o centro de Britania. Vence a o bruixo que yera robando las provisions reyals y lo fa siervo de Lludd.

Culhwch y Olwen[editar | editar código]

Encara que Culhwch y Olwen, se trobe en a colección de Mabinogion, ye principalment una leyenda arturica, en a que o heroi Culhwch s'alista con Artús pa ganar a mán de Olwen, filla d'o chigán Ysbaddaden. Feita con muitos detalles de fondo, muitos d'orichen mitolochico. Presonaches como Amaethon, o labrador divín, Mabon ap Modron, o fillo divín y o psicopombo Gwyn ap Nudd fan aparición. O zaguero en una batalla con Gwythr ap Greidawl por a man de Creiddylad. A situación de Culhwch con a suya madre ye pareixita a la de Llew Llaw Gyffes con Arianrhod, y a plegata de Culhwch's ta a cort d'Arthur ye a mesma fegura mitolochica que a plegata d'o dios irlandés Lug ta a corte de Nuada en Cath Maige Tuireadh.

Presonaches[editar | editar código]

Quan os textos d'a mitolochía galesa s'escribioron os galeses ya yeran cristians dende fa quantos sieglos. Os dioses los heban transformatos en reis y herois pasatos a l'estilo medieval. Muitos d'os presonaches que tienen caracters divins perteneixen u a a familia d'os fillos de Dôn, Plant Dôn u a a familia d'os fillos de Llyr, Plant Llyr.

Atros d'os presonaches y puestos d'estas historias son medievals, como o contexto en que han sido escritos u recullitos. Manimenos i trobamos presonaches y historias d'a epoca de luita contra a invasión romana (Caradawc y Caswallawn) y mesmo d'a epoca d'expansión celta por os Balcans y norte d'Italia (Mabinogion de Branwen).

En a mitolochía galesa, tamién i trobamos presonaches meyo historicos y meyo lechendarios como Artús, Merlín, Gwalch Mai, Peredur, que resistiban a invasión anglosaxona y esto ha desembocato en a creyación d'uno d'os ciclos literarios más importants en a edat meya europea: a materia de Bretanya u d'a Tabla Redonda, salindo-se-ne ya d'o contexto d'a mitolochía galesa propiament dita, porque son mitos meyo cristians meyo pagans prou ixemenatos en tota a Europa occidental, probablement gracias a un substrato celta afín.

Os fillos de Dôn[editar | editar código]

Dôn, chirmana de Mathonwy, yera a matriarca de la familia. Fegura como o suyo marito Beli. Os fillos son:

Esta familia tamién incluye a os fillos de Arianrod, Dylan y Llew Llaw Gyffes. Caswallawn (o historico Cassivellaunus), Lludd, Nyniaw, Llefelys, y Penarddun son ditos fillos de Beli Mawr, que a vegatas ye visto como marito de Dôn.

Os fillos de Llŷr[editar | editar código]

Llŷr, o patriarca de l'atra familia, ye posiblement amprato d'o Lir, o dios d'a mar d'a mitolochía irlandesa. L'orichen forano lo suchiere o epiteto Llediaith. Figura como a suya muller a vegatas Penarddun, y os fillos son:

Penarddun tamién tien dos fillos, Nisien y Efnisien, con Eurosswydd. Caradawg (o historico Caratacus) ye dito fillo de Bran Vendigeit.

Atras deidatz probables[editar | editar código]

Atros presonaches[editar | editar código]

Presonaches arturicos[editar | editar código]