Milvus
| Milvus | ||||||||||||||||||
 Milano negro (Milvus migrans) |
||||||||||||||||||
|
|
||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||
|
|
||||||||||||||||||
Milvus ye un chenero d'aves rapinyaderas adintro d'a familia d'as accipitridas, subfamilia d'as milvinas, que se solen conoixer como «milans» u «milanos», pero que localment en qualques nuclios d'a comarca d'a Chacetania han por nombre «alforochos» y «alforrochos». O chenero contiene 2 especies seguntes a claseficación que tradicionalment se'n ha feito, todas naturals d'Eurasia y Africa, que usualment yeran devididas en 4 subespecies. Actualment a taxonomía dintro d'o chenero se troba subchecta a debat, y s'ha quiesto de manera recient claseficar-los en 4 especies deseparadas.
Se'n conoix formas fósils que datan d'o pleistoceno, como la una que se trobó d'Israel, clamada scientificament Milvus pygmaeus. En Aragón se i troban dos especies: Milvus milvus y Milvus migrans, as dos, aves muit frequents. As dos especies d'as nuestras latitutz se destinguen por a coloración, más vitarisca en M. milvus, en a que i predominan as colors royiscas en o cuerpo, y en os adultos se i manifiesta la cabeza grisa y una malla blanca prencipal en as plumas remeras d'a cara inferior d'as alas, mientres que en M. migrans a color cheneral d'o cuerpo, as alas y a cabeza ye marrón fusca quasi uniforme.
Imáchens [editar]
-
Detalle d'a cabeza de Milvus migrans.
-
Cabeza d'un Milvus milvus adulto.
.JPG)
-
Milvus milvus por debaixo.
-
Milvus migrans por debaixo.
.jpg)
Vinclos externos [editar]
Se veigan as imáchens de Commons sobre Milvus.
Biquiespecies tiene un articlo sobre Milvus.
