Milvinae

De Biquipedia
Ir ta: navego, busca
Milvinae
Alforocho
Milán negro (Milvus migrans).
Estato de conservación
Status iucn2.3 LC.svg
Seguro.
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Orden: Accipitriformes
Familia: Accipitridae
Tribu: Milvinae
Cheneros

Os milans/os, localment ditos alforochos[1] u alforrochos,[1] (scentificament a tribu Milvinae adintro d'a familia Accipitridae) son aves rapinyaderas d'una subfamilia adintro d'a familia d'as accipitridas que tienen como caracteristica más important as suyas alas luengas que fan marchar ta planiar en l'aire dende do ellas veyen as suyas presas, por contras de como fan amés gran parte d'as aus de presa que s'estiman más d'albirar-las dende os árbols u bells altros observatorios. Son animals mayoritariament carnuceros, anque só que ocasionalment tamién se les puede veyer capturar presas vivas.

A demás d'as alas y d'a suya figura fineta, as especies presents en Aragón se pueden destinchir d'altras aves semilars como os azors u os esparveros por a suya coda quadrada u bifurcada, en pendendo de cada especie.

Nombre popular[editar | editar código]

Os terminos «alforocho» y «alforrocho», que se crei que son un arabismo lexico en l'aragonés, no son populars si que en a metat occidental de l'Alto Aragón. Se decumenta «alforocho» en a Chacetania en Xabierregai,[1] Aragüés de lo Puerto[1] y Chaca,[1] y «alforrocho» en Echo,[1] en Embún,[1] en Ansó,[1] en Aragüés de lo Puerto,[1] Xabierregai[1] y Puent d'a Reina.[1] En a Plana de Uesca se i decumenta «alforrocho» en Santolaria de Galligo.[1]

Ante parte, en a metat oriental d'a provincia de Uesca no se i conoix altra parola patrimonial especifica ta istes animals que no siga a parola d'etimolochía latina «milano» (lat. «milānus»), común en todas as luengas romances d'a Peninsula Iberica, anque, como pasa con muitas aus de presa, a ormino se les i diz «esparvers/os» de forma inespecifica. Por ixo, as formas como «milán», «milano» y «milaneta»,[1] que dimanan d'o latín «milānus», son con diferencia as más frequents por tot Aragón, y posiblement patrimonials.

Cheneros y especies concabidas[editar | editar código]

Imáchens[editar | editar código]

Referencias[editar | editar código]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7

Se veiga tamién[editar | editar código]

Vinclos externos[editar | editar código]


Subfamilias d'a familia Accipitridae
Accipitrinae | Aegypiinae | Aquilinae | Buteoninae | Circaetinae | Circinae | Elaninae | Gypaetinae | Haliaeetinae | Harpiinae | Melieraxinae | Milvinae | Perninae | Polyboroidinae