Millirahmstrudel

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Millirahmstrudel

Millirahmstrudel
Atras denominacions
Milchrahmstrudel
Orichen cheografico
Cocina: Gastronomía austriaca
Orichen: Austria
Se mincha en: Centro-europa
Categoría: Tarta
Elaboración
Ingredients: Bizcocho, nata, claras, almendras, zucre, leit, rubillos y pasas

O Millirahmstrudel (en alemán stándard Milchrahmstrudel) ye un tradicional strudel o tarta vienesa. Ye un pastel popular en Austria y muitos atros países d'Europa que d'antis mas perteneixeban a l'Imperio Austrohongaro (1867–1918). O Millirahmstrudel ye un pastel de bizcocho feito a o forno, con pasas y nata y servito con salsa de vainilla calient.[1]

Historia[editar | modificar o codigo]

A primera receta d'un strudel que se conoixe ye a d'un Millirahmstrudel de l'anyo 1696 en Vienna, una receta manuscrita que se troba en a biblioteca d'a ciudat de Viena.[2][3] Os exercitos otomans trayoron o strudel ta Viena (se veiga o setio de Viena de 1529 y a batalla de Viena de 1683), alavez l'orichen d'iste pastel ye probablement l'Imperio Bizantín.

Una leyenda vienesa diz que Franz Stelzer (1842–1913), propietario d'una chicota posada en Breitenfurt, amán de Vienna, estió o inventor d'o Millirahmstrudel.[4][5] En a historia se converte en un hombre prou famoso y rico por iste feito.

Ingredients[editar | modificar o codigo]

Entre os ingredients que s'amenistan ta fer ista tarta se troban a nata, rubillos, almendras, zucre, 1 rollo de bizcocho chupiu en leit y 2 claras de uevo a punto de nieu. Se replena con pasas y se mete a o forno con temperatura no guaire alta. Se chita por dencima leit con zucre. Se deixa ixucar y se fa bullir en una cacerola.[6] Ta rematar se sirve con salsa de vainilla calient.

Se veiga tamién[editar | modificar o codigo]

Referencias[editar | modificar o codigo]