Microsoft Windows

De Biquipedia

Windows ("finestras", en anglés), ye o nombre d'un sistema operatibo desarrollato por Microsoft dende mitá d'os años 80, pensato ta ordinadors presonals.

En o suyo prenzipio, Windows yera una interfaz grafica d'usuario que s'executaba sobre o sistema operatibo DOS. Paralelamén, se creya una bersión professional ta serbidors que no amenistaba DOS (Windows NT). Dende Windows 95, a bersión presonal ya yera un sistema operatibo completo y no eba menester de DOS, que de feito yera encorporato en o Windows. Ista estrutura contina fendo-se dica l'aparizión d'o Windows XP. Que alazetato en o nuclio d'o Windows 2000 ofrexe a bersión presonal y a professional.

Autualmén, Windows ye o sistema operatibo más usato en ordenadors presonals, en interpresas y tamién tien un importán seutor d'o mercato de serbidors an o gran dominador son os sistemas Unix. En o seutor d'a edizión grafica, os sistema operatibo mayoritario ye o MacOS, y autualmén bi ha un porzentache crexién d'usuarios que cambean ta GNU/Linux.

[editar] Bersions de Windows

Bellas d'es bersions de Windows más emplegatas en o suyo inte:

• Windows 3.x, a primera que estió reyalmén popular en ordenadors presonals.
• Windows NT, pensata ta serbidors.
• Windows 95, a primera bersión presonal que no amenistaba DOS.
• Windows 98, estió una millora d'o Windows 95.
• Windows Me, una continazión d'o Windows 98.
• Windows 2000, a eboluzión d'o Windows NT.
• Windows XP, en reyalidá ye una bersión enamplata de Windows 2000 en a bersión home, en a professional, poca esferenzia.
• Windows Vista
• Windows 7

[editar] Bersions mobils de Windows

• Pocket PC 2002, (Windows CE 2.0).
• Windows Mobile 2003. Alazetato en a plataforma Windows CE 3.0
• Windows Mobile 2003 SE, Second Edition. (Windows CE 4.0)
• Windows Mobile 5.0. Alazetato en a plataforma Windows CE 5.0
• Windows Mobile 6.0. Alazetato en a plataforma Windows CE 6.0. Prebisto ta 2006.

[editar] En desarrollo

• Windows Live, a bersión de Windows ta Internet