Michel Teló

De Biquipedia
Ir ta: navego, busca
Michel Teló
Michel Teló
Michel Teló
Información personal
Nombre Michel Teló
Embotada
Naixió 21 de chinero de 1981
Flag of Brazil.svg Medianeira, Paraná
Murió
Información musical
Orichen
Estilo Musica sertaneja, pop
Ocupancia {{{Ocupanzia}}}
Instrumentos Cantaire
Tiempo
Discograficas Som Livre
Relacionato con
Pachina web Pachina oficial

Michel Teló (Medianeira, Paraná, o 21 de chinero de 1981) ye un cantaire y compositor brasilenyo. Fació parti de dos collas. Estió en o Grupo Tradição a on cantó exitos: «Barquinho», «O Caldeirão», «Pra Sempre Minha Vida», «A Brasileira» y «Eu Quero Você», encara que se fació famoso en tot o mundo gracias a o suyo tema «Ai se eu te pego», en a suya carrera como solista.[1]

Biografía[editar | editar código]

Michel Teló

Teló ha adedicato a suya vida a la musica dende bien choven. A suya carrera artistica prencipia en 1989, quan a la edat de ueito anyos fació o suyo primer solo en o coro d'a suya escuela, cantando "My querido viejo, mi amigo", una pieza de Roberto Carlos y Eramos Carlos. A la edat de 12 anyos, Teló s'unió a la colla "Grupo Guri", estando vocalista. Amás d'a suya pasión por l'harmonica, Michel dió clases de piano mientres cinco anyos.

Chugó en l'Avaí FC en l'anyo 2000, estando maximo goleyador d'o torneyo Carioca d'ixe anyo con 11 gols. Dimpués d'o suyo curto paso por o equipe, decidió adedicar-se de pleno a la musica, mientres se ganaba a vida como cambrero en as tabiernas, dica que se mercó a suya primera guitarra.

1994-2010: comencipios musicals[editar | editar código]

A suya canta "Ei, Psiu! Beijo Me Liga" estió un gran exito en 2009. Amás d'ista, tamién estió un gran exito a canta "Fugidinha", obra de Rodriguinho y Tiaguinho, integrants d'un grupo brasilenyo de pagode orichinario de São Paulo: Exaltasamba. A versión de "Fugidinha" que interpreta Michel Teló estió un gran exito en un programa de televisión brasilenyo, conoixito por o nombre de O Melhor do Brasil en a canal Rede Record, y fació parti, mientres dos anyos consecutivos, d'a banda sonora d'a telenovela chovenil "Malhação", en a canal Rede Globo.

2011-present: exito internacional[editar | editar código]

Tanyendo l'acordión

En o reality show Big Brother Brasil 11, transmitito en o día 16 de marzo de 2011, Michel Teló participó en a fiesta titulata Sertanejo Universitário, en a que tamién yeran João Bosco & Vinícius y Fernando & Sorocaba.

En 2011 a suya canta «Ai se eu te pego» se fa famosa difuera de Brasil,[2] gracias a un baile que gravó Neymar en o vestuario d'o Santos Futebol Clube, a celebración d'un gol de Cristiano Ronaldo y Marcelo, futbolistas d'o Real Madrid, en o estadio La Rosaleda d'o Málaga C. F., y o baile d'Alexandre Pato, Robinho y Thiago Silva en l'autobus de l'A.C. Milan. Amás, prencipió l'año 2012 estando a canta mas popular en tot o mundo seguntes Spotify.

En chinero de 2012, s'engueró a versión en anglés d'iste tema titulata «If i catch you», chunto a o suyo videoclip promocional.[3][4]

Discografía[editar | editar código]

Michel Teló tanyendo a guitarra acustica.

Albums[editar | editar código]

  • 2009: Balada Sertaneja
En dreito
  • 2010: Michel Teló - Ao Vivo
  • 2011: Michel na Balada

Singles[editar | editar código]

  • 2009: "Ei, psiu! Beijo, me liga"
  • 2010: "Amanhã sei lá"
  • 2010: "Fugidinha"
  • 2011: "Se intrometeu"
  • 2011: "Larga de Bobeira"
  • 2011: "Ai se eu te pego!"
  • 2011: "Eu te amo e Open Bar"
  • 2012: "If I Catch You"
Featured in
  • 2010: "Alô" (Léo & Junior feat. Michel Teló)

Referencias[editar | editar código]