Michel Audiard

De Biquipedia
Ir ta: navego, busca
Michel Audiard
Información personal
Calendata de naixencia: 15 de mayo de 1920
Puesto de naixencia: Flag of France.svg París (Isla de Francia, Francia)
Calendata de muerte: 28 de chulio de 1985
Puesto de muerte: Flag of France.svg Dourdan (Essonne, Francia)
Ocupación: Director cinematografico, guionista y escritor
Fillos: Jacques Audiard

Paul Michel Audiard, naixito de París (Isla de Francia) o 15 de mayo de 1920 y muerto en Dourdan (Essonne) o 28 de chulio de 1985, estió un director cinematografico, guionista y escritor francés, activo en o cine francés dende zaguerías d'os anyos 1940. Ye o pai d'o tamién director y guionista Jacques Audiard.

D'entre a suya filmografía, se puet citar as cintas Garou-Garou, le passe-muraille (1951, de Jean Boyer, con Bourvil, Joan Greenwood, Marcelle Arnold y Nina Myral), Les Grandes Familles (1958, de Denys de La Patellière, con Jean Gabin, Jean Desailly, Pierre Brasseur y Bernard Blier), Les Vieux de la vieille (1960, de Gilles Grangier, con Jean Gabin, Pierre Fresnay, Noël-Noël y Mona Goya), Un taxi pour Tobrouk (1960, de Denys de La Patellière, con Hardy Krüger, Lino Ventura, Maurice Biraud, Charles Aznavour y Germán Cobos), Un singe en hiver (1962, d'Henri Verneuil, con Jean Gabin, Jean-Paul Belmondo, Suzanne Flon y Noël Roquevert), Elle boit pas, elle fume pas, elle drague pas, mais... elle cause! (1970, con Annie Girardot, Bernard Blier, Mireille Darc), Le Guignolo (1980, de Georges Lautner, con Jean-Paul Belmondo, Georges Géret y Michel Galabru), u Garde à vue (1981, de Claude Miller, con Lino Ventura, Michel Serrault, Romy Schneider y Guy Marchand).

Vinclos externos[editar | editar código]