Mechana

De Biquipedia
Ir ta: navego, busca
A mechana d'o Pabillón Puent en Zaragoza

Una mechana ye una isla en o cauz d'un río. Un curso fluvial con muitas mechanas ye un río braided.

Estas islas se fan més a sobén dende Zaragoza ta abaixo. Puede haber-ie selvas de ribera. Bells propietarios i crían reses bravas aproveitando que no se'n pueden escapar.

O Pabillón Puent tien o suyo soporte prencipal en una mechana.

Etimolochía[editar | editar código]

O termin "mechana" provién d'o latín mediāna, que ye en meyo.

Por estar caracteristicas de l'Ebro adintro d'o dominio orichinal d'o romanz navarro-aragonés, reciben esta denominación tradicional as que bi ha en o río Ebro, en atros ríos d'Aragón con atras condicions pueden recibir atras denominacions, como rambla, que no s'han de confundir con as ramblas como cursos torrencials d'augua en zonas de clima mediterranio. O mesmo se desvién con l'anglés Ait, que se refiere sobre tot a las mechanas d'o río Tamisa.

O termin mechana puet estar un catalanismo fonetico como trachinero, porque en a parla de Fayón se'n diz mitjana; ye posible que a forma mechana con fonetica catalana s'haiga difundito a causa d'o comercio fluvial de l'Ebro entre o curso baixo y o curso meyo. En castellán d'Aragón se puede sentir mechana, pero tamién se puede trobar castellanizato como mejana.