Parla d'o Matarraña
De Biquipedia
.svg)
A parla d'o Matarraña ye a parla comarcal d'a cuenca de a Matarraña e fa parte d'as parlas de transizión entre o catalán nordozidental e o catalán balenzián. Se distribuye por l'alto Matarraña (ofizialment comarca d'o Matarraña), e por o baxo matarraña (güei incluito ofizialment en a comarca Baxo Aragón-Casp).
No esiste diferenziazión gran ni neta con as parlas de a Tierra Alta y Baxo Ebro en a probinzia de Tarragona, ni con as parlas de Los Puertos de Moriella y norte de Castellón, sin d'embargo si esiste una diferenziazión gran con as parlas de o Mezquín-Guadalop. Balchunquera pertenexe a este zaguer grupo.
As parlas de o Matarraña son omochenias fueras de os casos de La Fraxneda, Fabara y, sobre tot en a parla maellana, esta zaguera con trazas ribagorzanas.
As trazas más chenerals muestran as carauteristicas de o catalán nordozidental, como l'articlo lo, u o presén de subchuntibo, y ye más a mán de o catalán nordozidental más basico más que o fragatín u o ribagorzano. Sindembargo esisten bellas trazas meridionals u balenzianas, como o preterito imperfeuto de subchuntibo, que fan que a parla matarrañesa se clasifique como parlas de transizión entre o catalán nordozidental y o balenzián, egual que o tortosín. A influyenzia de o catalán metropolitán con a costruzión els-hi aplega dende Tortosa y Gandesa.
