Maronins

De Biquipedia
Ir ta: navego, busca
Maronins
الموارنة / ܡܪ̈ܘܢܝܐ
Estephane-Douaihi.jpgPeter Hoayek.JPGYoussef Bey Karam.jpg
Camille chamoun.jpgFairuz in btd concert 2001.jpgKhalil Gibran.jpg
El DouaihyElias Peter HoayekYoussef Karam
Camille ChamounFairuzKhalil Gibran
Población total
3.500.000 (estimación)
Rechions con comunidatz importants
Flag of Lebanon.svg Liban 1.250.000 (estimación)
Flag of Cyprus.svg Chipre
Flag of Syria.svg Siria
Flag of Israel.svg Israel
Flag of France.svg Francia
Flag of the United States.svg Estatos Unitos
Idiomas
Arabe y arameu
Relichión
Cristianismo maronín
Pueblos relacionatos
sirians, chodigos, asirians cristians, samaritans

Os maronins son un pueblo cristián d'o Mont de Liban con una important diaspora. Parlan arabe, arameu y francés.

Os principals baluarts maronins son en as rechions montanyosas de Matn, Xuf y Kisruan. Tamién bi n'ha muitos en Beirut. Bi ha una important diaspora en America y en l'Africa Negra, (por eixemplo en Senegal e Nicheria), e uns pocos en Siria, Israel (sobre tot en Galilea), y Chipre.

Sociedat[editar | editar código]

A sociedat tradicional maronina tien caracters feudals y una división en clans que pueden esdevenir grupos comparables a las mafias italianas. Os clans mayors son os Franji, Edde, Khoury, Chamoun y Gemayel. Gemayel teneba una milicia dita Falanche u Katay-yab, que dende 1979 se deciba "Fuerzas Libanesas".

Os maronins actualment son mayoritariament habitants de ciudatz.

Relichión[editar | editar código]

Os maronins son seguidors de Sant Marón, que ye considerato o fundador oficial d'esta comunidat relichiosa enta o sieglo V. En un tiempo que os cristians de Siria yeran dividitos entre monofisistas y melquitas os maronins se facioron adeptos d'una formula de compromís dita monotelismo. En tiempos d'as Cruzatas (1216), os maronins aceptoron l'autoridat de Roma. Os maronins fan servir l'arameu siriaco como luenga liturchica.

Historia[editar | editar código]

Son procedents d'o Norte de Siria e fuyoron d'a persecución relichiosa a la redolata d'a Foz de Qadixa, (en o norte d'o Mont de Liban. En a Edat Meya facioron liga con os cruzatos. En "La Flor de las Ystorias d'Orient" de Chuan Ferrández d'Heredia los mencionan:

En el regno de Siria habitan diuerssas gentes, griegos, ermins, iacobins, nestorins, et otras dos naçiones de cristianos, es a saber, silianos et maronins. Los silianos tienen la manera de los griegos, et fueron obedientes en tiempo passado a la santa eglesia de Roma. Ellos parlan lengua arabica, et facen el offiçio de la eglesia con letras gerguescas. Los maronins tienen la seta de los iacobins, et han letras et lengua arabica; et aquesta gent habitan encara en el Mont de Liban deues las partidas de Gerusalem et son buena gent d'armas. Los silianos son muchos, mas los maronins son poca gent; et han entre ellos de valientes hombres de armas et de buenos sennores.

En o sieglo XVIII os maronins desembolicoron una estructura social feudal baixo a dominación parcial d'os drusos. En o periodo que o druso Baxir II (1788-1840) consiguió a independencia restecto a los otomans as guerras entre faccions enfeblioron a los drusos y os maronins creixioron en numero y poder, producindo-se muitas conversions relichiosas a lo cristianismo d'os maronins. En 1841 esclató una guerra etnica entre os drusos e maronins. En 1869 os cristians se reveloron pa demandar una reforma territorial y esta revuelta fue esclafata producindo-se unas mortaleras que en Xouf significoron 10.000 muertes entre cristians y drusos. Esto estió enchaquia pa que Francia ninviase o suyo exercito pa protecher a los maronins y imposar un estatuto especial semiautomo en o Mont de Liban dentro d'o Imperio Otomán. A mitat d'os drusos d'o Mont de Liban fuyó ta Siria.

Dende o Mont de Liban muitos maronins emigroron ta Beirut en o sieglo XX creyando-ie una burguesía. En a guerra civil libanesa de fins d'o sieglo XX os maronins pretendeban a partición d'o Liban en cantons confesionals autonomos. Manimenos a fins d'o sieglo XX e principios d'o sieglo XXI han estato forzatos a una cooperación con os ocupants Sirios.

Bibliografía[editar | editar código]

  • Amiram Gonen, DICCIONARIO DE LOS PUEBLOS DEL MUNDO. 1996 Anaya&Mario Muchnik.