Marmota marmota

A parola marmota reendreza ta iste articlo. Ta o chenero Marmota se veiga Marmota (chenero).

Marmota marmota
Una marmota en o Parque Nacional de Queyras (Francia)
Denominacions populars
Marmota
Estato de conservación
Seguro (IUCN)
Rechistro fosil	Dende o Mindel
Clasificación scientifica
Reino:	Animalia
Filo:	Chordata
Clase:	Mammalia
Orden:	Rodentia
Familia:	Sciuridae
Chenero:	Marmota (chenero)
Especie:	M. marmota
Descripción
Marmota marmota Linné, 1758
Destribución cheografica
Distribución de Marmota marmota

A marmota (Marmota marmota (Linné, 1758)) ye una especie de radedor d'a familia d'os sciuridos propia d'os Alpes y os Tatra y introdueita en atras zonas montanyosas d'Europa Central y meridional.

Zoonimia

En aragonés meyeval son conoixitas como marmutas (lexico comercial d'o sieglo XV), marmotas u marmotz ("Libro d'as Marabillas d'o Mundo").

En aq(ue)lla montayn(n)a & en aq(ue)l jardin fincan muchas diu(er)sas bestias como babun(e)s simios marmotas & dotras diu(er)sas bestias / Et q(u)ando el c(on)uiento daq(ue)lla abbadia ha comido los almosn(er)os fazen leuar el Releu al gardin / & faze[(n)] sonar vna campana de plata q(ue) el tiene en su mano

Et de moc[']os q(u)i goardan aues aztores girefaux gauilanes falcones gentiles lan(er)es & sacres papagayes q(u)i fablan & auez cantantes / Et assi b(ie)n bestias saluages / et .x. [^M] o mas oriffantes & otras diu(er)ssas bestias Rabices ximios Marmoz & otras diu(er)sidades si ay .xv. cumans de moc[']os

Curiosidatz

En o pleistocén no pareixe que estase una especie propia d'as tascas alpinas; o rechistro fósil en os Pireneus, Cordelera Cantabrica y Meseta Norte amuestra que viviba en semontanos u como muito zonas con altaria no guaire alta. Probablement yera una especie propia d'estepas como a Marmota bobak, con a que tien una distribución dischunta. D'esta traza con o cambeo climatico de fins d'a zaguera glaciación desapareixió l'habitat ubierto on viviba esta especie y no trobó refuchio en as tascas d'o piso alpín d'os Pireneus como si que se desvinió en os Alpes (on quasi s'extinguió como amuestra un cuello de botella chenetico) y en os Tatra, on sobrevivioron adaptando-sen a las condicions d'as tascas alpinas.

En o sieglo XX fue reintrodueita en a versant norte d'os Pireneus y s'ha extendillato muito, plegando dica o Prepireneu d'a versant sud.

Bibliografía

• Oscar Arribas. Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9

Vinclos externos

• Se veigan as imáchens de Commons sobre Marmota marmota.
• Biquiespecies tiene un articlo sobre Marmota marmota.