Manuel Pérez-Lizano y Pérez

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Manuel Pérez-Lizano y Pérez
Manuel Pérez-Lizano y Pérez


17 de chunio de 1932 – 22 de marzo de 1933
Precediu por Sebastián Banzo Urrea
Succediu por Mariano Augusto Muniesa Belenguer

1936 – 1936
Precediu por ????
Succediu por ????
Naiximiento 6 de chulio de 1897
Zaragoza (comarca de Zaragoza, Aragón)
Muerte 11 d'agosto de 1936
Zaragoza (comarca de Zaragoza, Aragón)
Partiu Derecha Liberal Republicana
Profesión Medico y politico
Alma Máter Universidat de Zaragoza

Miguel Manuel Pérez-Lizano y Pérez, naixito de Zaragoza (comarca de Zaragoza) o 6 de chulio de 1897 y asasinato en ixa mesma capital l'11 d'agosto de 1936, estió un medico, y politico aragonés, d'ideolochía republicana y militant de Derecha Liberal Republicana, que ocupó o cargo d'alcalde de Zaragoza, estando tamién president d'a Deputación Provincial de Zaragoza mientres a Segunda Republica Espanyola. Yera fillo de l'advogato, periodista y politico aragonés Agustín Pérez-Lizano García y de Victoria Pérez Labarías.

Formato en a Universidat de Zaragoza, a on estudiyó Medicina licenciando-se en 1919, encara que ya heba partecipato en l'aduya a os afectatos en a epidemia de gripe espanyola de 1918 antis de rematar os suyos estudios. Treballó como medico rural en Malanquiella y en Clarés de Ribota, enamplando dimpués estudios en Madrit ta rematar en 1923 en tornar en Zaragoza. Amás d'o suyo treballo en una clinica zaragozana, estió un muit destacato colaborador d'a Cruz Roya (estando-ne o suyo president en Zaragoza), faciendo tot o que podeba t'aponderar a labor d'a institución.

D'ideolochía liberal y republicana, como su pai Agustín Pérez-Lizano García, estió concellero por o districto de Sant Miguel en o primer consistorio municipal esleito democraticament en as eleccions de d'o 12 d'abril de 1931 que rematoron con a dictablanda y con a Monarquía d'Alifonso XIII d'Espanya. En 1932 fue esleito alcalde d'a ciudat, encara que dimitió en 1933 por as suyas desavenencias con o Partido Republicano Radical d'Alejandro Lerroux García. En marzo de 1936, poquet antis d'a muerte d'o suyo pai, fue nombrato president d'a Deputación Provincial de Zaragoza, cargo que ocupó dica o suyo asasinato.

Cuan se produció a sublevación militar faixista o 18 de chulio de 1936, fue engarcholato a escape por os golpistas. Encara que lo liberoron uficialment o 25 de chulio, lo tornaron a engarcholar de contino, dica que l'11 d'agosto de 1936 l'asasinoron, albandonando o suyo cuerpo a o canto d'a Canal Imperial d'Aragón, estando recullito por voluntarios d'a Cruz Roya que en yeran a l'atisfa dende a suya desaparición, en estar-ne o suyo president.

Vinclos externos[editar | modificar o codigo]


Predecesor:
Sebastián Banzo Urrea
Alcalde de Zaragoza
1932-1933
Succesor:
Mariano Augusto Muniesa Belenguer
Predecesor:
????
President d'a Deputación Provincial de Zaragoza
1936-1936
Succesor:
????