Manuel I Comneno

De Biquipedia
Ir ta: navego, busca
Manuel I Comneno
Emperador d'o Imperio Bizantín
Manuelcomnenus.jpg
Manuel I Comneno

1143 - 1180
Predecesor Chuan II Comneno
Succesor Aleixo II Comneno

Naixencia 28 de noviembre de 1118
Muerte 24 de setiembre de 1180
Dinastía Dinastía d'os Comnenos
Pai Chuan II Comneno
Mai Piroska d'Hongría

Escudo de Manuel I Comneno

Manuel I Comneno estió emperador d'o Imperio Bizantín dende 1143 dica 1180. Ye naixito o 28 de noviembre de 1118 y morió o 24 de setiembre de 1180.

Manuel I Comneno prebó d'ir més luent que o suyo predecesor, sobretot dimpués d'o fracaso d'a Segunda Cruzata. Se facioron peyors as relacions con Loís VII de Francia, con Conrado II d'Alemanya y Frederico I Barbarroya y con a Republica de Venecia. Entre 1155 y 1170 concedió privilechios comercials a la Republica de Chenova y en 1170 renovó os privilechios d'a Republica de Pisa. Rocher II de Secilia ocupó Corfú en 1147, y encara que fue forachitato por os venecians, aduyó a los serbios quan en 1149 se rebeloron.

O exercito bizantín desembarcó en o sud d'Italia y i habió una guerra contra os normandos d'Italia entre 1155 y 1158 en a que Frederico I y Venecia se posoron en contra de Costantinoble.

Manuel I consiguió por bellas anyatas sozmeter Serbia, dominar en Croacia y confiscar os biens venecians en Costantinoble y suspender-ie o comercio venecián en 1171 en un tiempo que o Papato s'amanó cheopoliticament a la Liga Lombarda, a Hongría (fendo liga en 1164) y a las republicas mercantils de Chenova y Pisa.

Manuel I recuperó por bellas anyatas a supremacía bizantina en afers orientals fendo liga con o reino de Cherusalem y recuperando o dominio sobre Antioquía en 1159, en un tiempo que os cruzatos veyeban a suya situación peyor debant d'a unificación d'Echipto y Siria. A expedición de griegos y latins en o delta d'o Nilo fracasó. Manuel I habió de reaccionar quan en 1162 se crebó o tractato de paz con os turcos d'o soldanato de Rum, y en 1176 Kilij-Arslan II li inflichiba una derrota en Myriokephalon (batalla que significó a fin d'o control bizantín en Asia la Menor). En 1179 Bizancio perdió o sistema de ligas con os vicins occidentals quan Frederico I Barbarroya y a Liga Lombarda firmoron a paz. Os recursos de Bizancio quedoron acotolatos, perdió a iniciativa en a politica exterior, mancaban recursos militars y financiers. A l'este i yera o periglo turco, a l'ueste i heba estatos hostils y en os Balcans i heba pueblos que se rebelaban. Dende 1180 creixioron os problemas y o poder imperal decayó.

Bibliografía[editar | editar código]

  • Jose-Ramón Julià: Atlas de Historia Universal. Tomo I: De los orígenes a las crisis del siglo XVIII. Editorial Planeta.


Predecesor:
Chuan II Comneno
Emperador d'o Imperio bizantín
1143 - 1180
Succesor:
Alexo II Comneno