Mallacán (roca)

De Biquipedia
Ir ta: navego, busca
Mallacán a lo canto d'una carretera en Israel
Iste articlo ye sobre la formación cheolochica. Ta atros usos se veiga mallacán (desambigación).

Lo mallacán u horizont petrocalcico ye un horizont B de lo suelo endureixito u cementato con carbonato calcico.

Ye cementato de contino dica lo estremo que las radices no i pueden entrar y los piazos secos no se sueltan al capuzar-los en augua.

Ye masivo u laminar, a saber-lo de duro en seco y ni con una xata no se puet esgarrapar. Ye muito firme u masiau firme mullato. Los poros no capilars son plens; la conductividat hidraulica ye dende moderadament débil a muito débil. Por un regular ye mayor de 10 cm y presenta una capa superficial con estructura laminar. Los carbonatos constituyen la mitat u més en peso de l'horizont laminar.

Son comuns en los glacis ("varellos") y faixas fluvials de la Val de l'Ebro. Lo suyo nombre en idioma aragonés no tien una etimolochía segura pero puet estar relacionato con mallo (talment porque pa crebar-lo cal un mallo) y con mallar ("triballar duro", "pegar con un mallo"). Lo suyo nombre en castellán, caliche, ye un mozarabismo.

En o semontano de Balbastro se feba servir como material de construcción, y en A Luenga bi ha una carrera dita calle Mallacán.