Mai (canta)
De Biquipedia
- Iste articlo tracta sobre a canta Mai. Ta atros usos de «mai» se veiga Mai (desambigación).
| Mai | |||||
|---|---|---|---|---|---|
| Canta de José Antonio Labordeta | |||||
| Parolas | Ánchel Conte | ||||
| Idioma | Aragonés | ||||
| Cantaire | José Antonio Labordeta Gabriel Sopeña |
||||
| Compositor | Gabriel Sopeña | ||||
| Chenero | Canta d'autor | ||||
| Álbum | Con la voz a cuestas | ||||
| Publicación | 2001 | ||||
| Duración | 3:50 | ||||
| Con la voz a cuestas | |||||
|
|||||
|
|
|||||
| Manolo García | |||||
|
|
|||||
| J.A.Labordeta |  (▶Audición 1) |
||||
| Manolo García | (▶Audición 2) |
||||
Mai ye una canta en aragonés composata por o mosico Gabriel Sopeña y cantata por o cantautor José Antonio Labordeta y o propio Sopeña como una adaptación d'un poema orichinal d'Ánchel Conte.
O poema "Mai" fue escrito por Ánchel Conte en l'anyo 1969 y apareixió publicato por primera vegata en a suya replega de poemas "No deixez morir a mía voz" en l'anyo 1972.
Atros mosicos como Manolo García han feito versions en directo d'a canta, estando-ne a primera feita por Mario Garcés en o suyo disco Fendo camín (1983), que estió amás o primer disco gravato de raso en aragonés.
[editar] Parolas
- Mai, mira-me as mans;
- as trayo buedas,
- lasas d'amar...
- Son dos alas
- d'un viello pardal
- que no puede
- sisquiera volar.
- Mai, mira-me os uellos,
- n'o cielo perdius
- n'un fondo silencio...
- Son dos purnas
- chitadas d'o fuego
- que no alumbran
- ni matan o chelo.
- Mai, mira-me l'alma
- aflamada de sete,
- ixuta d'asperanza...
- Ye un campo labrau
- an no i crexen qu'allagas
- que punchan a vida
- dica qu'a matan.
- Mai, mira-me a yo.
- Me reconoixes, mai?
- Fué o tuyo ninon...
- Huei so un hombre
- que no se como so.
- Mai, me reconoixes?
- Mai, ni sisquiera tú?
