Lynx pardinus

De Biquipedia
Ir ta: navego, busca
Lynx pardinus
Lynx pardinus
Cerval iberico (Lynx pardinus)
Estato de conservación
Status iucn2.3 CR.svg
Creticament menazato.
Clasificación scientifica
Dominio: Eukaryota
Reino: Animalia
Subreino: Metazoa
Filo: Chordata
Clase: Mammalia
Orden: Carnivora
Familia: Felidae
Subfamilia: Felinae
Chenero: Lynx
Especie: Lynx pardinus
Nomenclatura binominal
Lynx pardinus
Temminck, 1827
Lynx pardinus
Distribución estimata de L. pardinus en l'anyo 2003.

O cerval iberico (Lynx pardinus (Temminck, 1827)) ye un mamifero carnivoro d'o chenero Lynx, en a familia Felidae, endemico d'a Peninsula Iberica. En l'actualidat ne quedan menos de 300 eixemplars, esparzos en dos poblacions cheograficament deseparatas en a Comunidat Autonoma d'Andalucía, considerando-se que ye lo felino més menazato d'o mundo.

Ye un felino d'apariencia áchil, con a coda curta que remata en un chubillet de color negra que sole mantener alter per dencima d'o cuerpo quan se desplaza. As orellas rematan con flequetz de pel negro como ye caracteristico en totas as especies d'o chenero Lynx. Tienen camaretas a canto y canto d'a cara, que les naixen d'os costatos d'a mandibula, y que se's n'emprenzipian a fer patents a partir que tiengan una anyata de vida. En os masclos, as camaretas y os flequetz d'as orellas son més luengos que no en as fembras. A color basica d'a capa ye grisa u dica sora, con taquetas negras que se reparten per tot o cuerpo. Os masclos pesan un promedio aritmetico de 12,8 Kg, y 9,3 Kg as fembras.

O cerval iberico demana d'a evolución d'as poblacions de Lynx issiodorensis (especie fosil) de maniera simpatrica con as que remanioron a l'altro costato d'o Pireneu, que dioron o cerval europeu, Lynx lynx. Ixo ye, que lo cerval iberico no ye estato en garra momento una subespecie d'a especie europea, si no que apareixioron como especies chirmanas a partir d'un antipasau común. O cerval europeu y lo iberico podioron haber-se trobato coexistindo en o Pireneu espanyol lo menos dica la segunda metat d'o sieglo XIX.

Os cervals son animals nocturnos, solitarios y territorials, y desfensan teritorios lur grandaria maxima pende en o numer de presas que se i puedan trobar. Ixo ye, que contra més abundants i sigan as presas, més chicot puede estar o territorio. Os habitos nocturnos que estes animals siguen d'estíu, pueden modeficar-se en as epocas de climatolochía més suau (s'ha de pensar os paisaches de matullar solaner a on que habitan), movendo-se en qualsiquier momento d'o día en hibierno. Os seguimientos que se fan en o Parque Nacional de Doñana con radiotransmisors telemetricos arrullan datos sobre lo suyo habitat, y muestran que como ye que lo 90% d'a suya dieta la composan os conillos silvestres, cazan de regular en puestos de campo obierto, mientres que lo descanso y os puestos a on que i fincan os cados gosan estar en os matullars.

Galeria d'Imachens[editar | editar código]

Se veiga tamién[editar | editar código]

Vinclos externos[editar | editar código]


Especies d'o chenero Lynx
L.canadensis | L.issiodorensis (†) | L.lynx | L.pardinus | L.rufus